कैलाली । कैलालीको बर्दगोरिया गाउँपालिका वडा नम्बर २ मा अवस्थित आदर्श सामुदायिक विद्या मन्दिरमा युवा रेडक्रस सर्कल गठन गरिएको छ ।
विद्यार्थीहरुलाई पढाई सङ्गै मानव सेवामा समेत प्रेरित गर्ने उद्देश्यका साथ उक्त युवा रेडक्रस सर्कल गठन गरिएको विद्यालयका प्रिन्सिपल बिकास थापाले बताए ।
बालबालिकाहरु विद्यालयको समय भन्दा अन्य समयमा नकारात्मक कार्यमा संलग्न नहुन र उक्त समय मानव सेवा खर्च गरुन भन्दै समिति गठन गरेको बताए ।
जसको अध्यक्षमा स्मारिका चौधरी, उपाध्यक्षमा किरण रोकाय, सचिवमा स्मृति देबकोटा, कोषाध्यक्षमा न्युजन साउँद, उपसचिवमा भुपिन पौडेल, उपकोषाध्यक्षमा रेनुका जैशी गरि ११ सदस्यीय कमिटी गठन गरिएको छ ।
यस्तै युवा सर्कलका संरक्षक विद्यालयका प्रिन्सिपल बिकास थापा, शिक्षक नायक सुनिल भण्डारी र सहयोगी शिक्षक नायक सि.पि. पान्डे रहेका छन ।
