एनटीवीएस इंग्लिश बोडिङ्ग स्कूलका विद्यार्थी द्वारा साहारा घरमा खाद्यान्न सहयाेग

कैलाली । कैलालीको बर्दगोरीया गाउँपालिका–२ मा रहेको असहायका लागि सहयोगी हातहरू ,नेपालद्वारा सञ्चालित साहारा घरलाई खाद्यान्न वितरण गरीएको छ । बर्दगोरिया गाउँपालिका वडा नम्बर ३ मा रहेको एनटीवीएस इंग्लिश बोडिङ्ग स्कूलका विद्यार्थीहरुले साहारा घरलाई खाद्यान्न सहयाेग गरेको छन् ।

 

अतिरिक्त क्रियाकलाप अन्तर्गत पाठयबस्तुमा आधारित नेपाली विषयको परियोजना कार्यकालागि विद्यार्थीहरुले आफ्नो खाजा खर्च रकम बचत गरेर कृष्ण जन्म अष्टमीको पूर्व संध्यामा साहारा घरलाई खाद्यान्न सहयाेग गरेका हुन् । रेडक्रस बाट उत्साहित भएर प्रतेक विद्यार्थीले दैनीक एक मुठी चामल जम्मा गरेर उनीहरूले चामल, आलु, नुन, दाल, खाने तेल,र सोयाबिन लगायतका खाद्यान्न सामाग्री वितरण गरीएको छन् । आफूले साहारा घरमा पुगेर खाद्यान्न वितरण गर्न पाउँदा निकै खुसी लागेको विद्यार्थीले बताएका छन् । परिवार,समाजले हेला गरेका मानवलाई साहारा दिनु सानो कुरा नरहेको हुँदा केही सहयोग होस भन्ने उद्देश्यले खर्च कटौती गरेर खाद्यान्न वितरण गरेको विद्यार्थीहरूको भनाई छ ।

सहयाेग कार्यक्रममा विद्यालयका शिक्षक शिखर बिक, शिक्षक नवीन टम्टटा ,विद्यालयका संस्थापक नवराज टम्टटा , भुपेन्द्र रास्कोटी सहभागिता रहेकाे थियाे। कार्यक्रममा विद्यालयका संस्थापकहरु नवराज टम्टटाले साहारा घरका लागि कुर्सी खरिदको लागि नगद तीन हजार सहयोग गर्नु भएको छ।

 

साहारा घर व्यक्तिगत स्वार्थका लागि नभएर साहारा विहीनहरूको साहारा भएकाले सबैले सक्दो सहयोग गर्न समेत शिक्षक शिक्षिकाहरुले आग्रह गरेका छन् । साहारा घरमा सहयोग गरिएको भन्दै साहारा घरका सञ्चालक बल बहादुर विष्टले एनटीवीएस इंग्लिश बोडिङ्ग स्कूलका विद्यार्थी र शिक्षक शिक्षिकाहरु धन्यावाद ज्ञापन गरेका छन् ।

 

यस्तै सहयोगी मनहरूले सहयोग गरेर सहारा विहीनहरूलाई सहारा दिइरहेको सञ्चालक विष्टले बताए । अहिले ८० जना मानसिक रोगीहरू बसोबास गरिरहेका छन् भने कति पए धेरै जनालाई परिवार मिलान गराइ घर फर्काइएको छ ।

 

सहारा घरमा हाल पाँच जनाले स्वयंसेवकको रूपमा सेवा दिइरहेका छन् । कार्यक्रममा एनटीवीएस इंग्लिश बोडिङ्ग स्कूलमा अधयंरत कक्षा ५ का विद्यार्थी र शिक्षकहरुको सहभागिता रहेको थियो ।

 

यो पोस्ट हेरेर/पढेर तपाईलाई कस्तो लाग्यो ?