कैलाली । कैलालीको मोहन्याल गाउँपालिका वडा नम्बर १ का जनप्रतिनिधिले बुधबार आर्थिक सहयोग गरेका छन । मोहन्याल माध्यामिक बिधालय व्यवस्थापन समितिका अध्यक्ष भिम बहादुर बुढाको सभापतित्वमा भएको कार्यक्रमका प्रमुख अतिथि वडा नम्बर १ का अध्यक्ष पिरम बुढा रहेका थिए ।
मोहन्याल गाउँपालिका वडा नम्बर १ का अध्यक्ष पिरम बुढा सहित कार्यपालिका सदस्य इस्वरी बिस्ट, वडा सदस्य प्रेम राना, हिरालाल बि क र बिस्ना बि क ले वडा नम्बर १ मा रहेको मोहन्याल माध्यामिक बिधालयलाई नगद सहयोग गरेका हुन । मोहन्याल माध्यामिक बिधालयमा कार्यरत शिक्षकलाई तलब खान अपुग भएको हुदा आफुहरुले सहयोग गरेको वडा अध्यक्ष बुढाले बताए ।
उनले भने महिनौ सम्म शिक्षण गराएका शिक्षकले तलब नपाउदा सामुदायिक बन र १ नम्बर वडाका जनप्रतिनिधिले सहयोग गर्ने बाचा अनुरुप नगद ५० ह्जार सहयोग गरिएको हो । जसमा वडा अध्यक्ष पिरम बुढाले ३४ ह्जार र ४ जना सदस्यहरुले ४ ह्जारका दरले आर्थिक सहयोग गरेका हुन ।मनकारी वडा अध्यक्ष बुढाले गरेको कार्यप्रती बिधालय परिवार खुशी भएको छ । बिधालयले आफै तलब खुवाउन नसकेको अवस्थामा वडा अध्यक्षको पहलमा सामुदायिक बन र जनप्रतिनिधिले गरेको महान कार्यको प्रशन्सा गर्दै बिधालयका प्रध्यानाध्यापक मान बहादुर पुनले धन्यवाद व्यक्त गरे ।
पालिकाम रहेको शिक्षा समितिको बैठक बस्न नसक्दा केही बिधालयका शिक्षक कर्मचारीहरुलाई तलब खुवाउन सकिएको छैन उनले भने । आपसी राजनितिक खिचातानी र स्थायी पालिकाको कार्यलय नहुदा समस्या उत्पन्न हुने गरेको वडा अध्यक्ष पिरम बुढाले बताए ।
