सर्लाही । सर्लाही हरपूर्वाका कर्मचारी कार्यालय तथा शिक्षक ४ साता पछि तलब आउने अश्वासन पश्चात विद्यालय फर्कने भएको छ । माघ २८ गते देखि हरिपुर्वा नगरपालिकाको विभिन्न शाखाको कर्मचारी तथा फागुन ६ गते देखि १६ वटा सामुदायिक विद्यालयको शिक्षक कार्यालय बन्द गरेर नियमित धर्नामा बसेका थिए।
गत फागुन ७ गते नगरसभा भएपनी कोष नियन्त्रण लेखा कार्यालयमा प्रमुख नभएपछि खाता संचालनमा ढिलो भएको कारण बन्द तथा हडतालको समय लम्बिएको थियो ।फागुन २४ गते नगरपालिका प्रमुख बिनोद कुमार साह तथा प्रमुख प्रशासकीय अधिकृत शम्भु प्रसाद यादव धर्ना स्थलमा आएर कर्मचारी तथा शिक्षकलाइ सम्बोधन गरिएको थियो । साहको अनुसार हरिपुर्वा नगरपालिकाको खाता संचालनमा आइसकेको छ ।
खाता संचालन भएपछि पहिलो प्राथमिकता समाजिक सुरक्षा भत्ता भएकोले साउन देखि बाकी रहेको भत्ताको पहिलो किस्ता आज एन आइ सि बैंकमा पठाइएको र आइतबार दोस्रो तथा मंगलबार तेस्रो किस्ता पठाए पछि बुधबार देखि वडा कार्यालयमा नै गएर समाजिक भत्ता बाडन पंजिकरण शाखालाइ निर्देशन गरिसकेको जानकारी दिए ।
शिक्षक तथा कर्मचारीको तलब विवरण तयार पार्न सम्बन्धित शाखाहरुलाइ जानकारी गराइएको छ र तथ्यांक अनुसार फागुन भित्रमा तलब भत्ता खातामा पठाइने प्रमुख प्रशासकीय अधिकृत शम्भु प्रसाद यादबले जानकारी दिए ।चैत १५ गते देखि संचालन हुनलागेको एस ई ई परिक्षा तथा कक्षा १ देखि ९ सम्मको अन्तिम परिक्षाको तयारीको लागि आइतबारदेखि थप्प कक्षाको व्यवस्थापन गरेर पढाइने शिक्षक धनेश्वर साहले बताएका छन ।करिब १ महिना पछि आइतबारदेखि हरिपुर्वा नगरपालिकाको बन्द कार्यालयहरु, वडा कार्यालय, विद्यालय खुल्ने भएपछि सेवाग्राहीलाई राहत हुने स्थानीय सञ्चारकर्मी मुकेश झाले बताएका छन।
