कैलाली । कैलालीको बर्दगोरिया गाउँपालिका वडा नम्बर ४ नौनियाँमा रहेको कालिका माध्यमिक विद्यालयले विद्यालयको सामाजिक परिक्षण प्रतिवेदन सार्वजनिक गरेको छ । आईतवार एक औपचारीक कार्यक्रमका बीच कालिका माध्यामिक विद्यालयले सामाजिक परिक्षण प्रतिवेदन सार्वजनिक गरेको हो । २०७९ भदाै २८ गते विद्यालयमा बसेको विद्यालय व्यवस्थापन समितिको बैठकले आर्थिक वर्ष २०७८/०७९ को सामाजिक परिक्षण गर्ने निर्णय गरेको थियो ।
विद्यालयको उक्त निर्णय अनुसार विद्यालयको शिक्षक अभिभावक संघका अध्यक्ष वीर सिंह साउँदको संयोजकत्वमा ५ सदस्य समिति गठन गरेको थियो । संयोजक साउँदको संयोजकत्वमा रहेको पाँच सदस्यीय टोलीले करीब दुई महिना लगाएर गरेको सामाजिक परीक्षण प्रतिवेदनलाई आईतवार औपचारीक कार्यक्रमका बीच सार्बजनिक गरिएको हो ।
आईतवार सार्वजनिक गरिएको प्रतिवेदन अनुसार आर्थिक वर्ष २०७८/०७९ मा विद्यालयमा कूल बजेट १ करोड ६५ लाख ८३ हजार ७७ रुपैया ५५ पैंसा आम्दानी भएको बताईएको छ । कूल आम्दानी मध्ये १ करोड ७८ लाख २८ हजार ४ सय ९७ रुपैया २३ पैंसा खर्च भएको र ३ लाख ६० हजार ५ सय १५ रुपैया ७४ पैंसा बचत रहेको बताईएको छ ।
कालिका माध्यामिक विद्यालय व्यवस्थापन समितिको अध्यक्ष टेक बहादुर कामीको सभापतित्वमा सञ्चालन भएको कार्यक्रममा प्रतिवेदन सार्वजनिक कार्यक्रमलाई सम्बोधन गर्दै विद्यालयका प्रधानाध्यापक उदय सिंह वीसीले विद्यालयमा भएगरेका गतिबिधीलाई कागजमा मात्रै उतार्ने भन्दा पनि व्यबहारवाट नै पुष्टि गर्नुपर्नेमा जोड दिनुभयो । विद्यालयको स्थापना कालमा बर्दगोरियाको उत्कृष्ट विद्यालयको रुपमा रहेको कालिका माद्यमिक विद्यालयले २९ वर्ष पार गर्दै गर्दा अपेक्षित अनुसार छलाङ मारेको बताउनुभयो । जिल्लाको बर्दगोरियामा रहेको यस विद्यालयमा सबैको नजर जाने र चासोका विषय समेत हुने भएकोले आफ्नो बालबालिकाको पढाईका बारेमा चासो दिन सबै अविभावकलाई उहाँले आग्रह गर्नुभयो । शिक्षकले पनि कर्तव्य पूरा गर्ने भन्दा पनि आफ्नो जिम्मेवारीलाई ख्याल गर्न अनुरोध गर्नुभयो ।
त्यस्तै प्रमुख अतिथि बर्दगोरिया गाउँपालिका वडा नम्बर ४ का वडा सदस्य अशोक चौधरी रहनु भएको कार्यक्रममा विशिष्ट अतिथि बर्दगोरिया गाउँपालिका शिक्षा शाखा प्रमुख नन्दा कुमारी भट्ट रहनु भएको थियो ।
यस विद्यालयमा १ कक्षा देखि १२ सम्म विद्यार्थी छात्र र छात्रा जम्मा ८६० रहेका छन । कार्यक्रममा विद्यालयका शिक्षक तपेन्द्र साउँदले स्वागत मन्तव्य राखेको कार्यक्रममा कार्यक्रमको सञ्चालन लेखापाल केशव बहादुर साउँदले गर्नु भएको थियो ।
