कैलाली । नेपाली कांग्रेसका क्रियासिल सदस्य तथा बौनियाँ बजारका व्यावसायी बर्दगोरीया गाउँपालिका वडा नं. १ स्थानिय रुप बहादुर सुनार माथी आज भएको सांघातिक हमलालाई नेपाली कांग्रेस वर्दगोरीया गाउँकार्यसमितिले गम्भीरता पुर्वक लिएको छ प्रेस विज्ञप्तिमा उल्लेख गरेको छ। यो घटनाको नेपाली कांग्रेस बर्दगोरीयाले घोर निन्दा र भर्त्सना गरेको छ। विहानको समयमा आफ्नो निवासबाट पसल खोल्न जाने क्रममा विच बाटोमा भएको आक्रमण पछि उहाँको अहिले नेपालगञ्जमा उपचार भैरहेको छ ।
आक्रमण गर्ने व्यक्ति वा समुह उपर सुस्म अनुसन्धान गरि कडा भन्दा कडा कार्वाहीको लागी नेपाली कांग्रेस बर्दगोरीया गाउँकार्यसमिति नेपाल सरकार समक्ष जोडदार माग गरेको छ ।
यता प्रहरीका अनुसार लेनदेनको विषयमा विवाद भए पछि खुकुरी प्रहार भएको बताएको छ। प्रहरीका अनुसार जिल्लाको बर्दगोरिया गाउँपालिका वडा नम्बर २ का ४७ वर्षीय रूपबहादुर सुनार माथि खुकुरी प्रहार भएको हो ।
सोही पालिका वडा नम्बर ५ का ३२ वर्षीय वसन्त साउँदले खुकुरी प्रहार गरेको इलाका प्रहरी कार्यालय सुखडका प्रमुख प्रहरी नायव उपरीक्षक वीरेन्द्र वीर विश्वकर्माले जानकारी दिए छन् ।
प्रेस बिज्ञप्ति
नेपाली कांग्रेसका क्रियासिल सदस्य तथा बौनियाँ बजारका व्यावसायी बर्दगोरीया गाउँपालिका वडा नं. १ निवासी श्री रुप बहादुर सुनार माथी आज भएको सांघातिक हमलालाई नेपाली कांग्रेस वर्दगोरीया गाउँकार्यसमितिले गम्भीरता पुर्वक लिएको छ । यो घटनाको नेपाली कांग्रेस बर्दगोरीया घोर निन्दा र भर्त्सना गर्दछ । विहानको समयमा आफ्नो निवासबाट पसल खोल्न जाने क्रममा विच बाटोमा भएको आक्रमण पछि उहाँको अहिले नेपालगञ्जमा उपचार भैरहेको छ ।
उहाँमाथि आक्रमण गर्ने व्यक्ति वा समुह उपर सुस्म अनुसन्धान गरि कडा भन्दा कडा कार्वाहीको लागी नेपाली कांग्रेस बर्दगोरीया गाउँकार्यसमिति नेपाल सरकार समक्ष जोडदार माग राख्दछ । साथै, श्री रुप बहादुर सुनारको शीघ्र स्वास्थ्यलाभको कामना व्यक्त गर्दछौ ।
कृष्ण विष्ट
सभापति
