कैलाली। बौनियामा रहेको आदर्श सामुदायिक विद्या मन्दीरको आदर्श स्काउट दलले अन्तरास्ट्रिय शान्ती दिवसको अवसरमा विविध कार्यक्रम सम्पन्न गरेको छ ।
स्काउट दलले बौनिया बजारमा शान्ति र्याली र साहरा घरमा रहेका असहायलाई जुस बितरण तथा वडा न १ मा रहेको जेष्ठ नागरिक मिलन केन्द्रमा कटहरका बिरुवा रोपेको थियो । बृक्षारोपन कार्यक्रममा वडा न १ का अध्यक्ष तथा बर्दगोरिया सरकारका प्रबक्ता मिथुन गौतमको उपस्थिति रहेको थियो ।
कार्यक्रममा बोल्दै प्रबक्ता गौतमले लागू औषध दुर्ब्यसनीबाट बालबालिकालाई टाढा राख्न हरेक विद्यालयले विद्यार्थीलाई सामाजिक काममा सक्रिय बनाउनु पर्ने बताउनु भयो ।आदर्श स्काउट दलका विद्यार्थीलाई धन्यवाद ज्ञापन गर्दै उहाँले पालिकाका हरेक विद्यालयमा स्काउट दल स्थापनाका लागि पहल गर्ने बताउनुभयो ।
कार्यक्रममा घोडाघोडी नगर स्काउट सदस्यता वृद्धि संयोजक भिम अम्मै , एम.ओ.पि. सुप प्रदेश अध्यक्ष पुष्कर अवस्थी , खप्तड बहुमुखी क्याम्पस स्वबियु सचिव प्रेम जोशी र विद्यालयका शिक्षक सुनिल भण्डारी लगाएतको उपस्थिति रहेको थियो ।
आदर्श सामुदायिक विद्या मन्दिरमा रहेको आदर्श स्काउट दल बर्दगोरिया गाउँपालिकाको विद्यालय स्तरिय पहिलो स्काउट दल हो । आदर्श स्काउट दलले विद्यालय र विद्यालय क्षेत्र वरपर विविध कार्यक्रम गर्दै आएको छ ।
