कैलाली । कैलाली जिल्लाको बर्दगोरिया गाउँपालिका वडा नं १ मा अवस्थित बसन्त मुरारी नमूना माध्यमिक विद्यालयमा शिक्षक अविभावक संघको अध्यक्षमा लाल सिंह विश्वकर्मा निर्विरोध निर्वाचित भएका छन् । शिक्षा नियमावली अनुसार हरेक विद्यालयमा शिक्षक अविभावक संघ गठन हुने प्रावधान छ । आम अविभावक भेलाले सबै सदस्यहरु निर्विरोध चयन गरेको छ ।
अन्य सदस्यहरुमा अम्मर बहादुर बम,झिर्कुल नेपाली ,पार्बती देबि जैशी,नामसरा सार्की,अम्मर सिंह भन्डारी,सीता सुनार ,कला देबि सदाशन्कर र प्रेम प्रसाद ढुंगाना चयन भएका छन् ,खड्क बहादुर कुँवर शिक्षक प्रतिनिधी रहेका छन् भने वि.व्य.स. अध्यक्ष र प्रधानाध्यापक पदेन सदस्य गरि जम्मा ११ जना निर्विरोध निर्वाचित भएका हुन ।
जसको पदावली २ वर्षको हुनेछ । पुरानो समितिको म्याद साउनमा नै सकिएको हुदा हिजो आम अविभावक भेलाद्धारा समिति गठन गरिएको प्रधानाध्यापक तारा प्रसाद जोशीले वैज्ञानिक मिडियालाई जानकारी दिनु भएको छ।
विद्यालय व्यवस्थापन समितिका अध्यक्ष टंक वहादुर कुंवरको अध्यक्षतामा सम्पन्न उक्त कार्यक्रममा प्रधानाध्यापक तारा प्रसाद जोशीले स्वागत मन्तव्य गर्नुभएको थियो भने सहायक प्रधानाध्यापक राकेश हमालले कार्यक्रम संचालन गर्नुभएको थियो ।
