कैलाली । अध्यधिक जाडो बढेपछि कैलालीको बर्दगोरिया गाउँपालिकाभित्रका विद्यालयहरु ३ दिन बन्द हुने भएको छ । जाडोमा बालबालिकाहरुको स्वास्थ्यलाई मध्यनजर गर्दै माघ ८ देखि १० गतेसम्म सबै सामुदायिक तथा संस्थागत विद्यालयमा बिदा दिने निर्णय गरिएको हो ।
गाउँपालिकाका प्रमूख प्रशासकिय अधिकृत प्रकाश ढुंगानाले आईतवार एक सूचना प्रकाशित गर्दै यही माघ १० गतेसम्म विद्यालय बन्द गर्ने जानकारी दिनुभयो । गाउँपालिकाले आईतवार सूचना जारी गर्दै मौसम प्रतिकुल भइ जाडो बढेकाले विद्यालयकाे बार्षिक बिदाबाट समायोजन हुनेगरी ३ दिन विद्यालयहरु बन्द रहने जनाएको छ ।
सूचनामा भनिएको छ, ‘मौसम प्रतिकूल भई अत्याधिक जाडो भईरहेको हँदा बालबालिकाहरुको स्वास्थ्यलाई मध्यनजर गर्दै बार्षिक बिदावाट कट्टी हुने गरी मिति २०८०/१०/०८ गते देखि २०८०/१०/१० गतेसम्म यस गाउँपालिका भित्रका सबै सामुदायिक तथा संस्थागत विद्यालयहरु बन्द रहने व्यहोरा सबैको जानकारीका लागि जारी सूचनामा उल्लेख छ।
