कैलाली । कैलालीको मोहन्याल गाउँपालिका वडा नं १ स्थित कोपिला सामुदायिक वन उपभोक्ता समुहको तेस्रो साधारण सभा तथा भवन उद्घाटन कार्यक्रम सम्पन्न भएको छ ।
शनिबार समुदायिक वनको भवनमा आर्थिक वर्ष २०७८/०७९ र २०७९/०८० को सार्वजनिक सुनुवाइ कार्यक्रम सम्पन्न भएको हो ।सामुदायिक वन उपभोक्ता समुहका अध्यक्ष गणेश बहादुर बुढा मगरको सभापतित्वामा भएको कार्यक्रमका प्रमुख अथिती मोहन्याल गाउँपालिका अध्यक्ष देवीदत्त उपाध्याय (हिमशिखर) रहनु भएको थियो ।
कार्यक्रमको बिशिष्ट अथितिमा मोहन्याल गाउँपालिका वडा १ वडा सदस्य प्रेम राना मगर र पूर्व कार्यपालिका सदस्य तारा शर्मा रहनु भएको थियो ।कार्यक्रममा बोल्दै मोहन्याल गाउँपालिका अध्यक्ष तथा कार्यक्रमका प्रमुख अथिती उपाध्यायले वन बचाउन र त्यसको सदुपयोग गर्न जनताको अधिकार भित्र पर्छ। यति मात्र होइन एउटा मानवलाई बाच्नको लागि रुखको आवश्यकता पर्ने भएकाले वन बिनास तर्फ नगइ वन जोगाउन सबै एक जुट हुनु पर्नेमा जोड दिए। वन बचाउन एउटा अध्यक्षले मात्र सम्भव नहुने भएकोले सम्पुर्ण उपभोक्ताहरुको पनि एउटा दायित्व रहने बताए । वन बाट हामीले के कति फाइदा लिन सक्छौं भन्दा पनि हामीले वन जोगाउन के कति योगदान गरेका छौ, भन्ने बारेमा विशेष ध्यान दिन जरुरी रहेको बताए ।
सामुदायिक वन उपभोक्ता समुहका सचीव मनिषा मगरको स्वागत मन्तव्य सङ्गै शुरु भएको कार्यक्रममा दानबिर सामुदायिक वन मोहन्याल १ बढिकाथाईकी सचिव नईसरा पुन ,मोहन्याल माबिका प्र.अ मान बहादुर पुनमगर,मस्ट सुनपाल सामुदायिक वन उपभोक्ता समुहका अध्यक्ष हस्त बहादुर घर्तीमगर, स्वास्थ्य इकाईका कर्मचारी लाल बहादुर बुढा लगाएकाले शुभकामना मन्तव्य राखेका थिए ।
यसै गरि आर्थिक वर्ष २०७८/०७९ र २०७९/०८० को २ करोड ९ लाख ४७ हजार ७ सय ७६ रुपैयाँ बराबरको आय ब्यय सामुदायिक वन समुहका कोषाध्यक्ष डम्बर बहादुर रोकामगले प्रस्तुत गरेका थिए । कार्यक्रमको सञ्चालन सामुदायिक वन समुहका कोषाध्यक्ष डम्बर रोकामगरले नै गरेका थिए । 
