एनटिबिएस इंग्लिश बोडिङ्ग स्कुलको दोस्रो वार्षिक उत्सव (फोटो फिचर सहित)

कैलाली । कैलालीको बर्दगोरिया गाउँपालिका वडा नं ३ मा रहेको एनटिबिएस इंग्लिश बोडिङ्ग स्कुलको दोस्रो वार्षिक उत्सव शनिबार सम्पन्न भएको छ। विद्यालयको प्राङगणमा आयोजित वार्षिक उत्सव कार्यक्रममा विभिन्न कक्षामा अध्यनरत विद्यार्थीहरुले नाच , नृत्य, विज्ञान प्रविधि,अभिनय लगायतका विभिन्न कलाहरू देखाएका थिए I विभिन्न विधामा प्रथम द्वितीय र तृतीय हुने विद्यार्थी लाई पुरुस्कार वितरण गरिएको थियो । विद्यालय व्यवस्थापन समितिका अध्यक्ष कोकिला खत्रीको सभापतित्वमा सञ्चालन भएको कार्यक्रममा बर्दगोरिया गाउँपालिकाका अध्यक्ष कर्ण बहादुर कुँवरको प्रमुख आतिथ्य रहनु भएकाको कार्यक्रममा विशिस्ट आतिथ्य बर्दगोरिया गाउँपालिका वडा नं ३ का वडा अध्यक्ष मनऋषि आचार्य विशिष्ट अतिथि रहनु भएको थियो । कार्यक्रममा बोल्दै प्रमुख अतिथि कुवँरले जानेको कुरा व्यवहारमा उतार्न सके बोडिङ्ग स्कुलको स्तर स्वतः वृद्धि हुने बताउनु भयो। बाल विकासमा विशेष ध्यान दिन नसकेको कारण राम्रो जनशक्ति उत्पादन हुन नसकेको बताउनु भयो । विद्यार्थीको मनोविज्ञान अनुसारको पढाई गर्नु पर्ने समय आएको बताउदै विद्यार्थीको मनोभावना अनुसारको शिक्षा नै आजको अनावश्यक्ता रहेको बताउनुभयो। शिक्षा मन्त्रालयले शिक्षा संग सम्बन्धीत सबै नियम कानुन तयार पारेको तर हरेक सामुदायीक र बोडिङ्ग स्कुल विद्यालयले बुझेर पनि व्यवहारमा लागु नगरेको कारण नेपालका सामुदायीक र बोडिङ्ग स्कुल विद्यालयको अवस्था दिन प्रतिदिन बिग्रँदो अवस्थामा पुगेको भन्दै तत्काल त्यसपक्षमा ध्यान दिन विद्यालयलाई अनुरोध गर्नु भयो। त्यसैगरी कार्यक्रममा बोल्दै बिशिस्ट आतिथी वडा नम्बर ३ का वडा अध्यक्ष मनऋषि आचार्यले वार्षिक उत्सव समारोहलाई सम्बोधन गर्दै वडा अध्यक्ष आचार्यले उत्कृष्ट विद्यालयको रुपमा स्थापित हुन सकोस् भनि शुभकामना दिनु भयो। स्थापना काल देखि केही समय सम्म विद्यालयमा भौतिक संरचना नहुंदा भुइँमा बोरा बिच्छाएर बढेको बाध्यता आजको दिनमा नरहेकोले अब अन्य कुरा लाई बिर्सेर गुणस्तरीय शिक्षामा नै केन्द्रित हुन आवश्यक रहेको बताउनुभयो। नेपालका सामुदायीक र इंग्लिश बोडिङ्ग स्कुल विद्यालयहरुमा गुणस्तर खस्किदै जानु चिन्ताको विषय रहेको भन्दै त्यस तर्फ पालिका सुक्ष्मरुपले अध्ययन गरिरहेको र सुधार्नका लागि विद्यालय परिवार, शिक्षक/शिक्षिका सबै संग सहकार्य गरेर गुणस्तरीय शिक्षा दिनका लागि सधै तपाईहरु संंग हातेमालो गर्न तयार रहेको बताउनुभयो। हिजोका दिनहरूमा पर्याप्त भौतिक पूर्वाधारहरु नहुंदा विद्यार्थीहरु लाई पठनपाठनमा समस्या हुने गरेको त आज पर्यन्त भौतिक पूर्वाधारहरु हुँदा पनि शिक्षाको गुणस्तर चिन्ताजनक रहेको भन्दै सुधारगर्न आवश्यक रहेको र त्यो सुधार्नै शिक्षक/शिक्षिका, अभिभावक/विद्यार्थी, विद्यालय व्यवस्थापन समिति सबैको जिम्मेवारी भएको बताउनुभयो। कार्यक्रममा कार्यपालिका सदस्य भिम बहादुर विश्वकर्मा,वडा सदस्य तथा न्यायिक पालिका सदस्य बसन्ती साउँद,वडा सदस्य भावना विक,वडा सदस्य राम बहादुर चौधरी, बर्दगोरिया शिक्षा शाखा अधिकृत नन्दा भट्ट, विद्यालयका सस्थापक नवराज टमटा, भुपेन्द्र राष्कोटी, बसन्त मुरारी नमूना मावि विद्यालय व्यवस्थापन समितिका अध्यक्ष टंक बहादुर कुँवर, जगदम्बिके भगवती माध्यामिक विद्यालयका पूर्व प्रधानध्यापक नेत्र बहादुर खड्का ,रानीकुण्डा खाने पानी सरसफाई उपभोक्ता समूहका कोषाध्यक्ष उदय विष्ट, लगायतका अतिथिहरूको सहभागिता रहेको थियो । कार्यक्रममा शिक्षक विनोद बुढाको स्वागत मन्तब्य बाट सुरु भएको कार्यक्रमको सञ्चालन विद्यालयका प्रअ शिखर विकले गर्नु भएको थियो । वार्षिक उत्सवमा वरिष्ट डेउडा गायिका डिक्रा देवी,देउडा गायक संसार धामीकाे वेजोड प्रस्तुती रहेको थियो । प्रथम, द्वीतृय र तृतीय हुनेलाई कापी, कलम लगायतका पुरस्कार प्रदान गरिएको थियो । कार्यक्रममा वाक्लो रूपमा अभिभाबकको उपस्थिती रहेको थियो ।        

यो पोस्ट हेरेर/पढेर तपाईलाई कस्तो लाग्यो ?