नवलपरासी । पश्चिम नवलपरासीको पाल्हिनन्दन गाउँपालिका वडा नं ५ हर्दीमा धारिलाे हतियार प्रहारगरी एक युवकको मृत्यु भएकाे छ ।
रातको समयमा उमेश बढईको छोरा वर्ष २० को रोशन कुमार बढई भन्ने सुर्य कुमार बढई (अबिवाहित) लाई आफ्नै घरमा राति सुतिरहेको अवस्थामा घाँटी काटेर अज्ञात समुहले फरार भएका छन् ।
सोमबार विहान ४:३० बजेकाे समयमा मृत अवस्थामा रहेको भन्ने खबर प्राप्त भएपछि जिल्ला प्रहरी कार्यालयबाट प्रहरी टाेली घटना स्थलमा पुगि प्रारम्भिक अनुसन्धान गरि शव पृथ्वी चन्द्र अस्पताल परासी ल्याईएकाे जिल्ला प्रहरी कार्यालयका सुचना अधिकारी प्रहरी नायव उपरीक्षक रेशम बोहराले बताउनुभयो ।
मृतको भाइ वर्ष १६ को सन्दिप बढई समेत सोही कोठामा संगै खाटमा सूतेको तर घटनाको बारेमा थाहा नपाएको बताएका हुन ।
मृतक बढईलाई कसले धारिलो हतियार प्रयोग गरी घाँटी काटेको भन्ने नखुलेको र घटना बारे थप अनुसन्धान भईरहेकाे जिल्ला प्रहरीले बताएको छ ।
