बस र मोटरसाइकल ठोकिँदा दुई जनाको मृत्यु

नवलपरासी । पश्चिम नवलपरासीको पाल्हिनन्दनमा बस र मोटरसाइकल ठोकिँदा दुई जनाको मृत्यु भएको छ ।

 

 

पाल्हिनन्दन गाउँपालिका वडा नं. १ झरहीखोला स्थित महेशपुर भुजहवा भित्री सडकखण्डको (मोडमा) दिउँसो भुजहवाबाट महेशपुर तर्फ आउदै गरेको लु २ ख ६५४ नम्बरको  बसलाई सोहि दिशा तर्फबाट आउदै गरेको लु ४७ प ४८७९ नम्बरको मोटरसाइकलले ओभरटेक गर्ने क्रममा उक्त मोटरसाइकललाई बसले ठक्कर दिदाँ मोटरसाइकलमा सवार  प्रतापपुर गाउँपालिका वडा नं. ४ पाचपेडा बस्ने वर्ष २०/२१ को भोला राजभर र रामग्राम नगरपालिका वडा नं. १५ डिगौल बस्ने वर्ष २०/२१ को राहुल राजभर घाईते भएका थिए ।

 

दुबै घाइतेलाई उपचारको लागि जिल्ला अस्पताल परासी पठाईएकोमा डाक्टरले मृत घोषण गरेको जिल्ला प्रहरी कार्यालयले जनाएको छ ।  दुबै शव सोहि अस्पतालमा राखिएको  छ भने बस र बस चालक रामग्राम नगरपालिका वडा नं. ४ ईम्लीटोल बस्ने वर्ष  ३१ को सदाम अली अन्सारी प्रहरीको नियन्त्रणमा रहेका छन्  ।

यो पोस्ट हेरेर/पढेर तपाईलाई कस्तो लाग्यो ?