स्थानीयकाअनुसार विद्यालय स्थापनाको समयमा साविकको कट्टिपुर खल्लामा प्राथमिक तहबाट स्कुल संचालनमा रहेको थियो । तत्पस्चात स्थानीय काडानदिको कटानबाट विद्यालय संचालनको अबस्था प्रभावित बनेपछि त्यहाँबाट कट्टिपुर गाउँमा सारिएको थियो ।
पछिल्लो समय नदि, प्रस्तावित काडा सामुदायिक वन र स्थानीयको अतिक्रमणको चपेटामा विद्यालयको जग्गा गुमगाममा परेको थियो । यतिमात्र नभई सो विद्यालयको जग्गा क्षेत्रलाई प्रस्तावित सामुदायिक वनको हिसाबले दर्ता गर्न लागिएको थियो तर कारणबस त्यो हुन सकेन ।
विक्रम संवत २०४६ सालमा स्थापना भएको विद्यालयको जग्गा अतिक्रमणसहित गुमगाम परेपछि बर्षौपछि सरोकारवाला निकायहको पहलमा खोजबिनको कार्य अगाडि बढाइएको थियो । बर्दगोरिया गाउँपालिका वडा नम्बर १ का अध्यक्ष मिथुन गौतम, विद्यालय व्यवस्थापन समिति, यहाँका राजनीतिक दल र अभिभावकको सक्रियतामा विद्यालय पुर्वस्थापनाका बेला कट्टिपुर खल्लामा करिब १० बिगाहा जग्गा विद्यालयको नाममा रहेको प्रमाण भेटिएको छ ।
सोही प्रमाणका आधारमा अतिक्रमणमा परेको सामुदायिक विद्यालय बालकन्या माविको जग्गा पुनः स्कुलकै स्वामित्वमा ल्याई संरक्षण र प्रयोगमा ल्याइन लागिएको विद्यालयका प्रधानाध्यापक भुमीप्रसाद शर्मा जैशीले बताउनुभयो ।
अतिक्रमित सरकारी तथा सार्वजनिक जग्गा सरकारको मातहतमा ल्याउने योजनासहित बालकन्या माविको जग्गा विद्यालयकै नियन्त्रणमा ल्याउन लागिएको वडा नम्बर १ का वडा अध्यक्ष मिथुन गौतमले बताउनुभयो । उहाँले भन्नुभयो -विद्यालय स्थापनाको समयमा साविकको दोदोधरा गाविसबाट कट्टिपुर खल्लामा १० बिगाहा जग्गा विद्यालयले (भोगचलल) प्रयोग गर्न पाउने भनी निर्णय भएको छ ।
बर्दगोरिया गाउँपालिकाका प्रवक्तासमेत रहेका वडा अध्यक्ष गौतमकाअनुसार पालिकामा अतिक्रमीत भएका सरकारी तथा सार्वजनिक जग्गा सरकारको मातहत ल्याउने र नक्सामा रहेका तर अतिक्रममा परेका बाटाहरु पुनः उत्खनन् गरि संचालनमा ल्याउने प्रक्रिया अगाडि बढाइएको छ । 
सोही कार्यअनुरुप अतिक्रमित बालकन्या माविको जग्गा खोजी गरि विद्यालयकै स्वामित्वमाल्याई संरक्षण तथा प्रयोगमा ल्याइने भएको हो । जसअनुसार आइतबार सर्वपक्षीय भेलाको सहमतिसहित विद्यालयको अतिक्रमित जग्गा सिमा निर्धारणको कार्य अगाडि बढाइएको छ । जसअनुसार २०६२/६३ मा भएको सीमा निर्धारणको निर्णयलाई आधार मानी कार्य अगाडि बढाइएको छ ।
