
कैलाली। बर्दगोरीया गाउँपालिका वडा नम्बर २ मा स्थानीय महिलाहरु आफ्नो गाउँ आफै बनाउ भन्ने उद्देश्यका साथ लागी परेका छन ।
बाल कल्याण संघ टिकापुरले गठन गरेको जुनेली समुहले आफ्नो गाउँ आफै बनाउ भन्ने उद्देश्यका साथ सडक सरसफाई अभियान चलाएका छन ।
बर्दगोरिया गाउँपालिका वडा नम्बर २ को पहलमा सडक छेउछाउमा बाधिएका पशु चौपायाहरुलाई अब उपरान्त नबाध्न सल्लाह संगै सरसफाईमा जुटेका हुन ।
जुनेली समुहका महिलाहरुले सडकमा बाधिएका पशु चौपायाका किला उखारदै सडक सरसफाईमा लागेको वडा अध्यक्ष गोबिन्द बि कले जानकारी दिए ।
वडा अध्यक्ष बि कले भने सडकमा पशु चौपाया बाध्नाले दुर्घटनाको जोखिम निम्तिनुका साथै सडक साघुरो हुने गर्दछ । सोही कुरालाई मध्य नजर गर्दै वडाका महिलाहरुले सडक सरसफाईमा जुटेको उनले बताए ।