कैलाली । कैलालीको बर्दगोरियामा राष्ट्रपति रनिङ शिल्ड प्रतियोगिता सञ्चालन हुने भएको छ । पुष २५ का दिन बर्दगोरिया गाउँपालिकाको बैठक अनुसार यही मिति २०८० साल माघ महिनाको ५ गतेका दिन बाट सुरु हुने विद्यालय स्तरीय राष्ट्रपति रनिङ शिल्ड प्रतियोगिता सञ्चालनको लागि बर्दगोरिया गाउँपालिका वडा नं १ मा रहेको बसन्त मुरारी नमुना माध्यमिक विद्यालयले जिम्मा प्राप्त गरेको बर्दगोरिया गाउँपालिका वडा नम्बर १ का वडा अध्यक्ष मिथुन गौतमले जानकारी दिएका छन्।
उक्त कार्यक्रममा विभिन्न खेलका खेल संयोजक बाँडफाँड गरिएको छ। यसैगरी मूल समितिको खेल उपसंयोजक बर्दगोरिया गाउँपालिका वडा नम्बर १ का वडा अध्यक्ष मिथुन गौतमले प्राप्त गरेका छन् भने आर्थिक संयोजक नेत्र बहादुर खड्काले प्राप्त गरेको बर्दगोरिया शिक्षा शाखाले जानकारी दिएको हो।
सामुदायिक विद्यालय तथा संस्थागत विद्यालयको समेत सहभागी जनाउन बर्दगोरिया गाउँपालिका वडा नं १ का वडा अध्यक्ष एवं यस खेलका उपसंयोजक मिथुन गौतमले बताएका छन् । यसैगरी बर्दगोरिया गाउँपालिकाका अध्यक्ष कर्ण बहादुर कुँवरले कुनै पनि विवाद नभई सहज रुपमा हामीले खेल खेलाउने छौं अध्यक्ष कुँवरले भन्ने ।
