बौनियाँ । कैलालीको बर्दगोरिया गाउँपालिकामा पालिका स्तरीय राष्ट्रपति रनिङ्ग शिल्ड अन्तर विद्यालय अतिरिक्त क्रियाकलाप प्रतियोगिता भोली (शुक्रवार) बाट बौनियामा सुरु हुने भएको छ । बर्दगोरिया गाउँपालिकाको आयोजनामा बसन्त मुरारी नमूना माध्यमिक विद्यालयको प्राङ्गणमा प्रतियोगिता हुन लागेको बताइएको छ । भोली (शुक्रवार) बाट सुरु हुने प्रतियोगिता माघ ७ गते सम्म सञ्चालन हुने गाउँपालिकाले जनाएको छ । पालिका स्तरीय अतिरिक्त क्रियाकलाप प्रतियोगितामा पालिका भित्रका १२ विद्यालयहरूको सहभागिता रहने छ । ३ दिन सम्म चल्ने प्रतियोगिता विभिन्न खेलहरू हुने बताइएको छ ।
