कैलाली । कैलालीको बर्दगोरिया गाउँपालिका वडा नम्बर २ मा रहेको साहरा घरमा निर्माण भईरहेको ९ कोठे भवनको आज राष्ट्रिय योजना आयोगका बरिष्ट सदस्य माननीय डा. रामकुमार फुँयालले सिलान्यास गरेका हुन्। बर्दगोरिया गाउँपालिका अध्यक्ष कर्ण बहादुर कुँवरको अध्यक्षतामा भएको कार्यक्रममा राष्ट्रिय योजना आयोगका बरिष्ट सदस्य माननीय डा. रामकुमार फुँयाल प्रमुख अथिति रहनु भएको थियो । कार्यक्रममा राष्ट्रिय योजना आयोगका बरिष्ट सदस्य माननीय डा. रामकुमार फुँयालले भने मानब सेवा गर्नु नै सबै भन्दा ठुलो सेवा हो । 
यस्ता संस्थाहरूलाई चलाउन स्थानीय सरकारले ठूलो भूमिका खेलेको हुन्छ। यस भवन निर्माणको लागि हामीले सामान्य रकम मात्र विनियोजन गरेका हौँ। यसलाई हेर्ने जिम्मा त स्थानीय तहले नै पाएको हो । मलाई आशा छ हाम्रो यस बर्दगोरिया गाउँपालिकाले यस्ता दिनदुखीलाई सहयोग गर्नेछ भन्ने आशा राखेको छु। अर्को वर्ष पनि म बजेट विनियोजन गर्ने प्रतिबद्धता जनाएका हुन्। पालिका अध्यक्ष कर्णबहादुर कुँवरले भवन निर्माणको लागि बजेट विनियोजन गरिएकोमा धन्यवाद व्यक्त गरेका हुन् । 
कार्यक्रममा उपस्थिति बर्दगोरिया गाउँपालिका उपाध्यक्ष गणेशराज गिरी,वडा नम्बर १ का वडा अध्यक्ष मिथुन गौतम, वडा नम्बर २ का वडा अध्यक्ष गोविन्द बिक, बर्दगोरियारा गाउँपालिका कार्यपालिका सदस्य, वडा नम्बर २ का वडा सदस्य, लगायत गाउँपालिकाका तथा समाजसेवीको उपस्थिति रहेको थियो। कार्यक्रमको सञ्चालक सहारा घरका संस्थापक बल बहादुर बिष्टले गरेका थिए। 
