कैलाली । कैलालीकाे बर्दगोरिया गाउँपालिका वडा नम्बर ४ मा १ दिने निःशुल्क हाडजोर्नि तथा नशा रोग सम्बन्धि शिबिर सम्पन्न भएको छ । शिबिरमा वडा नम्बर ४ का ३ सय ३९ जनाले सेवा लिएका छन । जसमा २ सय १४ महिला र १ सय २५ पुरुष रहेका छन । वडा नम्बर ४ को आयोजनामा भएको स्वास्थ्य शिविरमा प्राबिधिक सहयोग घोडाघोडी अस्पतालको रहेको थियो । 
बर्दगोरिया गाउँपालिका वडा नम्बर ४ का वडा अध्यक्ष जगत बहादुर शाहीको सभापतित्वमा भएको कार्यक्रमका प्रमुख अतिथी बर्दगोरिया गाउँपालिका अध्यक्ष कर्ण बहादुर कुँवर रहनु भएको थियो । यसै गरि बिशिस्ट अतिथिमा पालिका उपाध्यक्ष गणेश राज गिरि रहनु भएको थियो । कार्यक्रममा दोदोधरा अस्पतालका स्वास्थ्य प्रमुख मीन धामीको सहभागिता रहेको थियो ।
कार्यक्रमको संचालन आधारभुत स्वास्थ्य ईकाई निमुवाबोझीका प्रमुख भरत रसाईलिले गर्नु भएको थियो । शिबिरमा ३ सय १५ जनालाई निशुल्क औषधि बितरण गरिएको छ । चेकजाँच गरिएका ३ सय ३९ जना मध्य १४ जनालाई नशा सम्बन्धि रोग भएका कारण रिफर गरिएको छ । जस अन्तरगत ६ जनाको अप्रेशन गर्नु पर्ने र ८ जनाको औषधि मार्फत उपचार हुने आधारभुत स्वास्थ्य ईकाई केन्द्र निमुवाबोझीका प्रमुख भरत रसाइलीले जानकारी दिए । शिबिरमा हाडजोर्नि तथा नशा रोग विशेषज्ञ डा.धमेन्द्र के.सि. र मेडिकल अधिकृत डा.राहुल सिंह ले निशुल्क स्वास्थ्य परिक्षण गरेका थिए । घर आगनमै हार्डजोर्नि तथा नशा सम्बन्धि रोगका बारेमा चेकजाँच गर्न पाउँदा स्थानीय खुशी भएका थिए ।
