भक्तपुर । आ आफनो छोराछोरीहरुको प्रतिभा देख्दा खुशी नहुने बुबाआमा को नै होला र ? हो यस्तै भएको छ, बिहीबार भक्तपुरमा ।जिल्लाको एउटा स्कुलमा भएको कार्यक्रममा आआफना छोराछोरीको अतिरिक्त क्रियाकलाप देखेर आमाबुबा दंग परे । भक्तपुर नगरपालिका वडा नं २ मिवाछें व्यासीस्थित एभरेस्ट इगलिश स्कुलले आयोजना गरेको जुनियर कल्चरल शो २०८० मा सहभागी बालबालिकाका अभिभावकहरु खुशी भएका हुन् ।
ससाना विद्यार्थीहरुले त्यहाँ गीत, नृत्य, बाजागाजाका साथै विभिन्न खेलकुद प्रदर्शन गरेका थिए । उनीहरुले उशु, बाँंसुरीबाजा, जिम्याष्टिक लगायतको प्रदर्शन गरेका थिए ।कार्यक्रममा दुई सय जना भन्दा वढी विद्यार्थीले आआफनो फरकफरक प्रदर्शन गरेका थिए । कार्यक्रममा विद्यालय व्यवस्थापन समितिका अध्यक्ष रामगोपाल कर्माचार्यले विद्यार्थीले स्कुलमा पढन आएर पढने मात्रै नभई अतिरिक्त क्रियाकलाप पनि सिक्नु आवश्यक भएको बताए ।उनले परीक्षामा उतीर्ण गर्नुका साथै विद्यार्थीको सम्पूर्ण विकासका लागि अतिरिक्त क्रियाकलापको भूमिका ज्यादै महत्वपूर्ण हुने चर्चा गरे । कार्यक्रममा विद्यालयका प्रिन्सिपल भक्त राजभण्डारीले गरेका थिए । 
