कैलाली। कैलाली जिल्लाको बर्दगोरिया गाउँपालिका वडा नम्बर २ मा रहेको श्री आर्दश सामुदायिक विद्या मन्दिरको १७ औं वार्षिक उत्सब तथा अभिभावक दिवस सम्पन्न भएको छ। विद्यालयका संस्थापक केशब ढकालको सभापतिमा सुरु भएको कार्यक्रममा बर्दगोरिया गाउँपालिका अध्यक्ष कर्ण बहादुर कुँवर प्रमुख अथिति र बर्दगोरिया गाउँपालिका उपाध्यक्ष गणेश राज गिरि विशिष्ट अथिति रहेका थिए। यसै गरि कार्यक्रममा प्रमुख अथिति पालिका अध्यक्ष कुँवरले बोल्दै आज यस विद्यालयको नृत्य हेर्दा मलाई निकै रमाइलो लागेको छ। 
यो विद्यालयमा आज आउदा केहि नयाँ देखियो। मलाई आज निकै खुशी लागेको छ साथै हाम्रो पालिकाले आयोजना गरेको कार्यक्रम मा सहभागी भैरहेको छ र त्यसमा पनि केहि स्थान ल्याउन सफल भएको विद्यालय हो । यस विद्यालयले बार्षिक एस. ई. ई मा पनि राम्रो अंक ल्याई हाम्रो पालिकाको नाम चलाउन सहयोग पुयाउँछ। यसै गरि कार्यक्रममा विशिष्ट अथिति पालिका उपाध्यक्ष गिरीले हाम्रो बर्दगोरियामा संस्थागत विद्यालयलाई पनि हामी सहकार्य गरेर अघि बढ्नु पर्छ। हाम्रो गाउँपालिका विभिन्न ठाउँमा जनचेतनामुलक नाटक गर्नु पर्छ यो सम्बन्धि हामी यस विद्यालय संग सहकार्य गर्ने उपाध्यक्ष गिरीले बताए। 
विद्यालयका संस्थापक सालीमान बोहराको स्वागत मन्तब्य संगै सुरु भएको कार्यक्रममा विभिन्न प्रकारका सास्कृतिक नृत्य,मार्शल आर्ट र योग प्रदर्शन, आदर्श प्रतिभा शो, चित्र कला प्रदर्शनी, गणित र विज्ञान परियोजना प्रदर्शनी, विद्यार्थीहरूको सम्मान, नाटक शो, अभिभावकको लागि मजा खेल संगै थुप्रै प्रकारका प्रस्तुति रहेका साथै विभिन्न विधामा प्रथम,द्रितीय र तृतिय लाई पुरुस्कार समेत रहेको थियो।
कार्यक्रममा वडा नम्बर १ का वडा अध्यक्ष मिथुन गौतम, वडा नम्बर २ का वडा अध्यक्ष गोबिन्द बि. क विभिन्न विद्यालयका प्रधानाध्यापक, संघ सस्थाका प्रतिनिधि लगायत समाजसेबीहरुको उपस्थिति रहेको थियो। कार्यक्रमको संचालक विद्यालयका शिक्षक सुनिल भण्डारीले गर्नु भएको हो भने कार्यक्रममा अभिभावक भरत रसाइली, वडा नम्बर १ का वडा अध्यक्ष मिथुन गौतम, २ नम्बर का वडा अध्यक्ष गोबिन्द बि. क, बसन्त मुरारी नमुना मा. बिका प्रधानाध्यापक तारा प्रसाद जोशीले आफ्नो मन्तब्य राखेका थिए ।
