कैलाली । मगंलबार जेष्ठ सदस्य चक्र बहादुर विष्टको अध्यक्षतामा विद्यालय ब्यवस्थापन समितिले पूर्णता पाएको हो । कैलाली जिल्लाको बर्दगोरिया गाउँपालिका वडा नं १ कटिपुर स्थित श्री बालकन्या माध्यमिक विद्यालयको व्यवस्थापन समिति गठन भएको छ । विद्यालयमा मगंलबार भएको अविभावक भेलाले हेमन्तराज जैशीको अध्यक्षतामा ९ सदस्यीय व्यवस्थापन समिति समेत चयन गरेको हो । समितिका सदस्यहरुमा कौशल महतरा, चक्र बहादुर विष्ट, सावित्रा खतिवडा,कथमा देवी बुढा, प्रमिला देवी बुढा क्षेत्री, शिक्षक प्रतिनिधि सदस्यमा इन्द्र राज खतिवडा,पदेन सदस्यमा सरस्वती कामी र सदस्य सचिवमा विद्यालयका प्रअ भूमी प्रसाद शर्मा जैशी रहनु भएको विद्यालयका प्रअ भूमी प्रसाद शर्मा जैशीले वैज्ञानिक मिडियालाई जानकारी दिनु भयो ।
विद्यालयको विकासका लागि योगदान गर्न सफल हुने विस्वास लिएर जैशीलाई अध्यक्षमा चयन गरेको भेलामा उपस्थित अभिभावकले बताए । जैशीले विद्यालयमा योगदान दिन सक्नेमा अभिभावकहरु विश्वस्त रहेको अभिभावकहरुको तर्क छ । विद्यालयको गुणस्तरिय शिक्षा अभिबृद्धि गर्न र विद्यार्थीहरुको सङख्या समेत बढाउने तर्फ आफुहरु लाग्ने नवनिर्वाचित अध्यक्ष जैशीले बताए । मेरो विद्यालय प्रति सहयोग बाहिर बस्दा पनि भएको थियो, अब सबैको साथ र सहयोगबाट हामीले नमुना बिद्यालय बनाउन तर्फ लाग्नु पर्छ। विद्यालयका पूर्व अध्यक्ष, शिक्षक, सामाजिक व्यत्तित्वहरुको एक भेला गरि विद्यालयको अवसर र चुनौती बिषयक छलफल गरी गुणस्तरिय शिक्षाको लागि दिएका सुझावलाई कार्यान्वयन गर्ने अध्यक्ष जैशीले बताए। सो विद्यालयमा हाल ८९२ जना विद्यार्थी रहेका छन।
