कैलाली। कैलालीको घोडाघोडी नगरपालिका–४ गणेशपुरमा रहेको सिताकुण्ड माध्यामिक विद्यालयमा तालाबन्दी गरेको छ । लामो समय देखी विद्यालयमा गणित विषयको शिक्षक नहुँदा पठनपाठनमा समस्या भएको भन्दै विप्लव निकट अखिल नेपाल राष्ट्रिय स्वतन्त्र विद्यार्थी युनियन(क्रान्तिकारी)ले प्रधानाध्यापकको कक्षमा तालाबन्दी गरेको छ ।विद्यार्थीहरूले पटक पटक माग राख्दा समेत विद्यालय प्रशासनले कुनै पहल नगरेको क्रान्तिकारीले जनाएको छ । तुरुन्तै गणित विषयको शिक्षक छनोट गरी विद्यार्थीको पठनपाठनमा सहजीकरण गर्न सङ्गठनले जोडदार अपिल गरेको छ । समयमै विद्यालय प्रशासन गम्भीर नभए कडा सङ्घर्ष गर्न बाध्य हुने अखिल क्रान्तिकारीले विज्ञप्ति मार्फत जनाएको छ ।