कैलाली। कैलाली जिल्लाको बर्दगोरिया गाउँपालिका वडा नं ४ मा च्यारीटी फाउन्डेसन र श्री कृष्ण आँखा अस्पताल टीकापुरको प्राविधिक सहयोग र निमुवाबोझी आधारभुत स्वास्थ्य सेवा केन्द्रको सहकार्यमा बर्दगोरिया गाउँपलिका वडा नं ४ वडा कार्यालयकाे आयोजनामा एकदिने निशुल्क आँखा शिविर सम्पन्न भएको छ।
शिविरमा ५ सय ८० जनाले आँखाको परीक्षण गराएका छन् । च्यारीटी फाउन्डेसन नरेश कुमार चाैधरी र श्री कृष्ण आँखा अस्पताल टीकापुरका वीरेन्द्र चौधरी र निरज चौधरीको नेतृत्वमा रहेको चिकित्सक टोलीले वडामा रहेका जनताहरूको आखाँ परीक्षण गरेको थियो । शिविरमा युवा,विद्यार्थी, स्थानीय जनताहरूले सेवा लिएको वडाध्यक्ष जगत बहादुर शाहीले जानकारी दिए ।
आँखा मानिसको महत्वपुर्ण अंग भएको कारणले आफनो वडाबासीहरुलाई निःशुल्क आँखा शिविर माफर्त परीक्षण गरिएको वडा अध्यक्ष जगत वहादुर शाहीले बताए । वडाध्यक्ष शाहीले वडा कार्यालयले विगतका दिनमा समेत निःशुल्क आँखा शिविर सञ्चालन गर्दै आएको बताउदै आउँदा दिनमा समेत शिविर सञ्चालन गर्ने बताउनुभयो । वडाध्यक्ष शाहीले शरिरका सवै अङ्गको आफ्नै महत्व भएको र आँखा सवै भन्दा महत्वपूर्ण अङ्ग भएकोले नि:शुल्क आँखा शिविर सञ्चालन गरेको बताए ।
जसमध्ये १ सय ९८ पुरुष र ३ सय ८२ महिला रहेको निमाभोझी आधारभुत स्वास्थ्य सेवा केन्द्रका प्रमुख भरत रसाईलीले वताए । चेकजाँचका क्रममा ९५ जनालाई निःशुल्क चस्मा बितरण ४ सय ३१ जनालाई निःशुल्क औषधी वितरण गर्नुका साथै ५४ जनाको आँखामा समस्या देखिएकोले उनीहरुलाई आँखाको अप्रेसनका लागि टीकापुरमा पठाइएको रसाईलीले बताए ।
अप्रेशनकालागी टीकापुर रिफर गरिएका ५४ जनालाई एकतर्फी भाडा निःशुल्क गरिएको छ । आम नागरिकलाई सहज वातावरणमा आँखाको चेक जाँच गरी आफ्नै घरआँगनमा आँखा अस्पतालका कर्मचारीको टोलीमार्फत उपचार गराइएको थियो ।
