सोमवार, फाल्गुन १४, २०८०

जीवन बीमा मानिसको लागि अनिवार्य छ :(सिईओ)अर्याल

सन नेपाल लाईफको अभिकर्ता भेटघाट तथा सम्मान कार्यक्रम लम्कीमा सम्पन्न

बौनियाँ,कैलाली । सन नेपाल लाइफले विभिन्न २ छुट्टा छुट्टै स्थानमा अभिकर्ता तालिम र अभिकर्ता भेटघाट तथा सम्मान कार्यक्रम सम्पन्न गरेको छ । कम्पनीले कैलालीको घोडाघोडी नगरपालिकाको उप-शाखा सुखडमा र लम्की चूहा नगरपालिकाको लम्की शाखामा उक्त कार्यक्रम सम्पन्न गरेको हो । कार्यक्रम कम्पनीका (सिईओ) राजकुमार अर्यालले समुद्घाटन गरेका थिए ।

 

कार्यक्रममा बोल्दै सिईओ राजकुमार अर्यालले कम्पनीको स्थापनाकालदेखि नै सचेतना कार्यक्रम, बीमा अभिकर्ता तालिम र बीमा जागरण सम्बन्धी विभिन्न कार्यक्रमहरु निरन्तर सञ्चालन गर्दै आएको र आगामी दिनहरुमा पनि यस्ता कार्यक्रमहरुलाई निरन्तरता दिदै जाने बताए ।

देशैभर शाखा सञ्जालबाट बीमा सेवा प्रदान गर्दे आएको यस कम्पनीले निकट भविष्यमा नै बीमितहरुको लागि लोकप्रिय कम्पनी बन्दै गएको छ ।

अर्यालले भनु भयो बीमा जोखिम व्यवथापनको एक महत्वपूर्ण औजार हो । बीमितले आफ्नो जीवन, सम्पति वा दायित्वमा पर्न सक्ने जोखिमको आर्थिक भार बीमकलाई हस्तान्तरण गर्ने प्रक्रिया नै बीमा हो ।मानविय समाजमा विपत्ति, जोखिमका अनेकौँ सम्भावनाहरु जहि तहि सल्बलाई रहेका हुन्छन् । जुन विपत्ति, जोखिम अहिले, आज, भरे, भोलि जतिखेर पनि हुन् सक्छ । अथवा दुर्घना अनिश्चित हुन्छ ।

 

अनिश्चित जोखिम हस्तान्तरण गरी क्षतिपूर्ति प्राप्त गर्न उपयुक्त माध्यम भनेको बीमा हो । अनिश्चित जोखिम, दुघर्टनाले ग्रसित भएका व्यक्ति वा संस्थाले आफ्नो जोखिम अनुरुप निश्चित बीमा शुल्क बुझाई घटना भएमा क्षतिपूर्ति प्राप्त गर्ने शर्त सहित बीमा योजना खरिद गर्न सक्छन् ।बीमा दुई पक्ष बीचमा हुने लिखित सम्झौता पनि हो । बीमा गर्दा बीमा कम्पनी र बीमा गर्ने व्यक्तिका बीचमा गरिने सम्झौता हो । यस प्रक्रियामा बीमितको जोखिमको क्षतिपूर्तिको भार बीमाको माध्यमबाट बीमकमा हस्तान्तरण गरिन्छ ।

 

बीमा निश्चित अवधिका लागी गरिन्छ । उक्त अवधिमा विमितको क्षति भएको कम्पनीले क्षतिपूर्ति भुक्तानी गर्छन् । बीमा गर्ने प्रक्रियाको प्रारम्भ बीमाको प्रस्ताव फारम तथा व्यक्तिगत स्वास्थ्य सम्बन्धि विवरणबाट हुन्छ । यस्ता फारमहरु सम्बन्धित बिमा कम्पनिहरुबाट लिनुपर्छ । ती फारमहरु बीमा गर्ने व्यक्ति स्वमले बिमा अभिकर्ता मार्फत पेस गर्न सक्नेछन् । यसरी बीमितले भरेको फारमको प्रस्तावलाई स्वीकार गर्ने नगर्ने भन्ने कुरा बीमक मै भर पर्दछ । यदि बीमितको प्रस्ताव स्वीकार भएमा पहिलो किस्ता बीमा शुल्क भुक्तानी गरेपछि बीमा प्रक्रिया प्रारम्भ हुन्छ । बीमा सम्वन्धि शर्त, सुविधा सहितका सम्पूर्ण कागजातहरु बीमा कम्पनीले बीमितलाई बिमा स्वीकार भए पछि प्रदान गर्दछ । यसलाई बिमालेख भनिन्छ ।

बीमा दुई प्रकारका हुन्छन् ।

 

१.जीवन बिमा के हो त बुझनु होस है ।

 

मानिसको जीवन सँग सम्बिन्धित जोखिमको बिरुद्ध गरिने बीमालाई जीवन बिमा भनिन्छ । जीवन बीमाले विपत्ति परेको खण्डमा आर्थिक रुपले सुरक्षा प्रदान गर्दछ । जीवन बिमा कुनै व्यक्ति वा नीजको परिवारको आर्थिक सुरक्षाका लागि गरिन्छ । बीमाको निश्चित अविधि सकिएपछि नीजकोे बीमालेखमा तोकिएको रकम र उक्त अविधिमा प्राप्त हुने अतिरिक्त रकम बोनस प्राप्त गर्न सक्नेछन् । मानिसको जीवनमा अनेकन प्रकारका विपत्तिहरु आउँछन् । यी विपत्तिहरुसँग सामना गर्न सक्ने क्षमता जीवन बीमाले प्रदान गर्दछ ।

मानवीय जीवनमा जीवन बीमाको निकै ठुलो महत्व रहेको छ । जीवन बीमाले आर्थिक सुरक्षा, लगानी तथा बचतको अवसर दिनुका साथै पूजी निमार्ण, करमा छुट जस्ता महत्वपूर्ण फाईदाहरु प्रदान गर्छ । त्यसैले जीवन बिमा अनिवार्य बचत एंव आश्रितहरुको भलाईको व्यवस्था हुने उत्तम उपाय पनि हो ।

जीवन बीमा कति प्रकार छन् थाहा पाई राखौ ।

 आजिवन बीमा

 सावधिक बीमा

 म्यादी बीमा

 एन्युटि बीमा

अन्य

 

२. निर्जीवन बीमा भनेको के हो ।

 

निर्जीवन बीमा निश्चित अविधिको लागि गरिने सम्झौता पत्र हो । यसमा बीमा गर्ने कम्पनि र बीमा गर्ने व्यक्तिका बीच सम्झौता हुन्छ । यस्तो सम्झौतालाई करार भनिन्छ । करार गर्दा तोकिएको निश्चित अविधिमा बीमा गरिएको सम्पत्तिको वा व्यक्तिको मृत्यु वा अंगभंग भएमा बीमाकंको परिधिमा रही वास्तविक रुपमा कति हानि नोक्सानि भएको हो, त्यसको आधारमा बीमा कम्पनिले सम्बन्धित पक्षलाई क्षतिपूर्तिका रुपमा भुक्तानी गर्छ । निर्जिवन बीमा सम्पत्तिको हानी नोक्सानी र दायित्वको जोखिमबाट मुक्त हुनका लागि गरिने करार हो । निर्जिवन शब्दले सम्पत्ति र दायित्व सम्बन्धि विषयलाई बोध गराएता पनि यसले मानव जीवनको केही अंशलाई भने समेटेकै हुन्छ नै । जीवन बाहेक चल अचल सम्पत्ति सँग सम्बन्धित बीमा यस अन्र्तगत पर्छन् ।

निर्जीवन बीमाको प्रकारहरु पनि बुझनु होस ।

 अग्नि बीमा

 सामुन्द्रिक बीमा

 हवाई बीमा

 मोटर बीमा

 विविध बीमा

अन्य

वर्तमान समयमा बीमाको महत्व दिनानुदिन बढ्दै गईरहेको छ । तर पनि बीमा क्षेत्रमा जति विकास हुनुपर्ने हो त्यो भने भएको पाईदैन । समय र प्रविधि सगै बीमा क्षेत्रमा हुनु पर्ने सुधार नआउनुमा धेरै कारणहरु तेर्सिन पुग्दछन् । बीमा सम्बन्धि जनचेतना नहुनु, बीमा अभिकर्ता सक्रिय नहुनु जस्ता मुलभूत कारणहरुले गर्दा आज बीमा क्षेत्र फस्टाउन सकेको छैन । बीमा क्षेत्रमा सुधार ल्याउनका लागि केहि नयाँ कदम चालेमा पक्कै पनि यो क्षेत्रमा सुधार भने आउने छ ।

 

कार्यक्रममा सन नेपाल लाईफ इन्स्योरेन्स कम्पनी लिमिटेड द्वारा आयोजित अभिकर्ता भेटघाट तथा सम्मान कार्यक्रमका लम्की शाखा प्रमुख डम्मर बहादुर न्यौपानेको सभापतित्वमा सन्चालन भएको कार्यक्रममा कम्पनीका प्रमूख कार्यकारी अधिकृत (सिईओ) राजकुमार अर्याल रहनु भएको थियो कार्यक्रममा विशिष्ट अतिथि सन नेपाल लाईफ इन्स्योरेन्स कम्पनी लिमिटेडका सुदुरपश्चिम प्रदेश प्रमुख लक्ष्माी कान्त जैशी रहनु भएको थियो भने कार्यक्रममा बौनियाँ उप- शाखाका प्रमुख डम्वर बहादुर बुढा, सन् नेपाल इन्सयोरेन्स कम्पनी लिमिटेड लम्किका सहायक बिष्णु भण्डारी,टिकापुर उप-शाखा प्रमुख केशवराज तिमील्सेना, राजापुर उप-शाखा लगायत प्रमुख कर्मचारीहरुको सहभागिता रहेको कार्यक्रममा १०० जना भन्दा बढी अभिकर्ताहरु सहभागिता रहेका थिए ।

 

 

जीवन बीमा क्षेत्रमा कम्पनीको उत्कृष्ट बीमा गराउने अभिकर्तालाई कार्यक्रममै सम्ममान गरिएको हो ।

 

अभिकर्ताहरुलाई उक्त सम्मान कम्पनीका प्रमूख कार्यकारी अधिकृत राजकुमार अर्यालले गरेका हुन् । साथै, उनले उक्त कार्यक्रममा बीमाको महत्व र अभिकर्ताले गर्नुपर्ने कामको विषयमा अभिकर्ताले सिकेका थिए ।

यो पोस्ट हेरेर/पढेर तपाईलाई कस्तो लाग्यो ?

© २०७८/२०७९ वैज्ञानिक मिडिया सर्वाधिकार सुरक्षित. Site By : Himal Creation