बिहिबार, बैशाख १३, २०८१

एमसिसि विरुद्ध कैलाली र कञ्चनपुरका युवाहरू मोटरसाइकल र्‍याली सहित सडक उत्रिए

कैलालीको लम्की र कञ्चनपुरको महेन्द्रगरबाट सुरू भएको उक्त र्याली कैलालीको अत्तरियामा भेट भई धनगढी को कायम्पस रोड सम्म परिक्रमा गरी पार्क मोडमा आएर कोण सभामा परिणत भएको थियो ।राष्ट्रघाती अमेरिकी परियोजना एमसिसि सम्झौताको खारेजी र लागूऔषध दुर्व्यसन नियन्त्रण गर्न कैलाली कञ्चनपुरका युवा सडकमा उत्रिएका छन्। युवा संगठन नेपाल सेति-महाकाली व्युरोको आयोजनामा मोटरसाइकल र्याली सहित युवाहरू सडकमा प्रदर्शनमा उत्रिएका हुन्।एमसिसि मार्फत नेपालको सार्वभौमिकता माथि हस्तक्षेप गर्दै युद्धको दुस्चक्रमा फसाउने षडयन्त्र अमेरिकी साम्राज्यवादले गरिरहेको भन्दै उनिहरूले एमसिसि सम्झौता खारेजीको माग गरेका हुन्। समाजमा लागूऔषध दुर्व्यसन, डिप्रेशन, आत्महत्या, महिला हिंसा,बलात्कार जस्ता जघन्य अपराध बढिरहेको बताउँदै यसको नियन्त्रण गर्न जनचेतना फैलाउन मोटरसाइकल र याली गरिएको युवा संगठन नेपालका केन्द्रीय सदस्य भुवन कुँवरले बताए।

नेपाल कम्युनिष्ट पार्टीले चरणबद्ध संघर्षका कार्यक्रम घोषणा गरेर एमसिसिको विरोध गर्दै आएको छ ।एमसिसि सम्झौता र परियोजना नेपालको राष्ट्रिय हित विरुद्ध रहेको बताउँदै सम्झौता खारेज हुनुपर्ने माग गर्दै आएको नेकपा र भातृसंगठन युवा संगठन नेपाल ले लागूऔषध दुर्व्यसन र एमसिसि विरुद्ध मंगलबार मोटरसाइकल र्याली गरेका हुन्। सयौँको सङ्ख्यामा मोटरसाइकलमा रहेका नेकपा र युवा संगठनका कार्यकर्ताहरूले एमसिसि खारेज गर,लागूऔषध दुर्व्यसन नियन्त्रण गर, युवाहरूलाई रोजगारीको व्यवस्था गर,राष्ट्रघाती दलाल होसियार जस्ता चर्का नाराबाजी गरेका थिए। कञ्चनपुर र कैलालीको लम्कीबाट आएको कैलालीको अत्तरियामा भेट भई धनगढी पुगेर कोणसभामा परिणत भएको थियो।कोण सभा लाई सम्बोधन गर्दै नेपाल कम्युनिष्ट पार्टी कैलाली धनगढीका नगर कमिटीका ईन्चार्ज रमेशले ।MCC परियोजना मार्फत अमेरिकीहरुले हाम्रो देशमाथि र हाम्रो सार्वभौम राष्ट्रलाई हस्तक्षेप गर्दै युद्धको मार्गमा डोर्याउने अमेरिकी साम्राजयवादको षड्यन्त्रलाई रोक्न हामी स्वाभिमानी र देश प्रेमी सम्पूर्ण नेपालीहरुको कर्तव्य रहेकाे उहाँको भनाई थियो । लागू औषध दुव्र्यसन, महिला हिंशा बलात्कार जस्ता अपराधहरू दिनानु दिन बढिरहेको र दुर्व्यसन मै परेर धेरै युवाहरुले डिप्रेसनमा परी आत्महत्या गर्ने गरेको र यसको नियन्त्रणको लागि जनचेतना फैलियोस भन्ने उदेश्य राखी उक्त बिरोध र्याली प्रर्दशन गरिएको  थियाे ।

यो पोस्ट हेरेर/पढेर तपाईलाई कस्तो लाग्यो ?

© २०७८/२०७९ वैज्ञानिक मिडिया सर्वाधिकार सुरक्षित. Site By : Himal Creation