बिहिबार, बैशाख १३, २०८१

माओवादी केन्द्रको प्रदेश सह-सचिवमा सर्वाधिक मत ल्याएर सांसद साउँद विजयी

धनगढी-नेकपा (माओवादी केन्द्र) सुदूरपश्चिम प्रदेश कमिटीको सहसचिवमा सर्वाधिक मत ल्याएर प्रदेश सांसद नन्द बहादुर साउँद (राजेन्द्र) विजयी भएका छन् । साउँद कैलालीको क्षेत्र नम्बर २ ख बाट नेकपा (माओवादी) केन्द्रबाट निर्वाचित सांसद हुन् ।सोमबार धनगढीमा पदाधिकारी चयनका लागि भएको निवार्चनमा सांसद एवम् प्रदेश कमिटी सदस्य साउँदले सर्वाधिक मत ल्याएका थिए । ९ सदस्सीय प्रदेश कमिटी चयनका लागि भएको निर्चाचनमा साउँदले १५६ मत ल्याएर विजयी भएका हुन । सहसचिव पदकै प्रत्यासी उम्मेदवार अमित दहित ६५, र प्रेमा कुमारी ओलीले ८६ मत ल्याएर पराजित भएका छन् ।नेकपा (माओवादी केन्द्र)को सुदूरपश्चिम प्रदेश सम्मेलन उद्घाटन भएको करिब तीन महिनापछि सोमबार प्रदेश कमिटीका सदस्यबीच भएको चुनावले नयाँ नेतृत्व चयन गरेको हो ।

प्रदेश सांसद समेत रहेका साउँदले धेरै मत ल्याएर विजयी भएपछि उनको जताततै चर्चा हुन थालेको छ । राजनीतिमा इमानदार छवीका साथ काम गरेर सबैको मन जितेकै कारण साउँदले भारी मत ल्याएर विजयी भएको (माओवादी केन्द) प्रदेश कमिटी सदस्य बिष्ना कुमारी बिसी (सपना)ले बताईन् ।उनले भनिन् – “सांसद साउँद आफूले चुनाव जितेको निर्वाचन क्षेत्रमा पनि लोकप्रिय हुनुहुन्छ । सहयोगी, मिलनसार स्वभाव र उहाँको सरल व्यवहारले जनताको पनि मन जितको छ । सांसदको काम र भूमिकाको पनि जनस्तरमा जनताले प्रशंसा गर्ने गरेकाछन् ।”

भारी मत ल्याएर विजयी भएका साउँदले आफूलाई विश्वास गरेर दिएको मतको सम्मान हुनेगरि पार्टीमा काम गर्ने बताए । सुदूरपश्चिममा पार्टीलाई एक नम्बर बनाउने गरि हामी सबै लाग्नुपर्छ । पार्टी बलियो बनाउन सके मात्र जनयुद्धबाट प्राप्त परिवर्तनको संरक्षण गर्न सकिनेमा उनले जोड दिए । आफूलाई मतदान गरि विजयी बनाउने सबैलाई साउँदले धन्यवाद समेत व्यक्त गरेकाछन् ।निर्वाचन अधिकृत केदारचन्द्र भट्टले प्रदेश समितिको अध्यक्षमा हरी चौधरी उत्सब, कैलाली, उपाध्यक्षमा अक्कल रावल (अछाम), मानसिंह माल (डडेल्धुरा) र रणबहादुर कुँवर ,(बैतडी) विजयी भएको जानकारी दिएकाछन् ।सचिवमा जनक बहादुर बुढा (बझाङ), सहसचिवमा रामबहादुर देवकर (कंचनपुर) र अन्जिता श्रेष्ठ (डोटी) तथा कोषाध्यक्षमा कमल कुमारी शाह (बाजुरा) विजयी भएकाछन् ।

यो पोस्ट हेरेर/पढेर तपाईलाई कस्तो लाग्यो ?

© २०७८/२०७९ वैज्ञानिक मिडिया सर्वाधिकार सुरक्षित. Site By : Himal Creation