बौनियाँ – नेपाली कांग्रेस बर्दगोरिया गाँउपालिका वडा न ५ को पार्टी कार्यालयको उद्घाटन गरिएको छ । वडा न ५ को मस्ती चोकमा स्थापना गरिएको वडा कार्यलयको आज एक कार्यक्रमका बिच उद्घाटन गरिएको हो ।
कार्यक्रमका प्रमुख अतिथी नेपाली काङ्ग्रेस बर्दगोरिया गाउँपालिका सभापति कृष्ण बिष्टको प्रमुख अतिथिमा भएको कार्यक्रममा विष्टले रिवन काटेर पार्टी कार्यालयको उद्घाटन गरेका हुन् ।
वडा कार्यालयको उद्घाटनपछि बोल्दै प्रमुख अतिथि बिष्टले वडाका सम्पूर्ण गतिविधिहरु सञ्चालन गर्नका लागि अब वडा कार्यसमितिलाई सहज हुने बताउनु भयो ।
"अहिले आफ्नै पार्टीका नेताहरुका बिरुद्ध चिया खाने बहानामा एउटा खोका भित्र , चोकमा र सडकका छेउमा बसेर अनिक किसिमका टिकाटिप्पोणि भइरहेको पाइन्छ , वास्तमा त्यो कार्य गलत हो उहाँले बताउनु भयो- अब यसरी पसलमा , चोकमा कुरा गर्नुभन्दा आफ्ना के कुरा हुन्छन् पार्टी कार्यालयमा आउने आफ्ना कुराहरु राख्ने गर्नुहोला ।"
उनले नेपाली काङ्ग्रेसको बफादार सिफाइ भएमा कुनै ब्यक्तिको पछाडि नभइ सिङ्गो पार्टीलाई मजबुत बनाउन एकजुट भएर लाग्नुपर्ने बताउनुभयो । उनले अबका दिनहरुमा काङ्ग्रेसलाई थुप्रै चुनौती रहेकाले सबैले आफुभित्रका कमिकमजोरीहरु आफुवाट सुधार गरेर अगाडि बढ्न आग्रह गर्नु भएको हो ।
सबैको चाहाना काङ्ग्रेसलाई कसरी सुदृढ बनाउने र आगामी आउदै गरेका निर्वाचनमा कसरी पहिलो पार्टी बनाउने भन्ने रहेको बताए ।
उनले आफुहरुको आन्तरिक चुनाव सकिएकाले अब आगामी तिनै तहको निर्वाचनमा काङ्ग्रेसलाई बहुमतका साथ विजयी गराउन तर्फ सबैले जोड दिनु पर्ने बताए ।
अब आफुले बिगतका सबै तिता मिठा कुराहरूलाई त्यागेर सबैलाई एकताबद्ध बनाएर अगाडि बढ्ने उनले प्रतिबदता जनाए ।
उनले अबको स्थानीय तहको निर्वाचनमा कसै ब्यक्तिलाई पहुचका आधारमा नभएर पार्टीका लागि काम गर्ने , ईमानदार र पार्टीले उपयुक्त ठानेको ब्यक्तिलाई टिकट दिएर चुनावमा पठाउने बताए ।
वडा सभापति हरिराम डगौराको सभापतित्वमा सम्पन्न कार्यक्रमको संचालन गाउँकार्यसमिती सदस्य बालचन्द्र कठरियाले गरेका थिए । कार्यक्रममा नेपाली काग्रेसका वडा गाउँपालिका क्षेत्रका नेताहरुका साथै वडा नं ५ का कृयशिल सदस्यहरुको सहभागिता रहेको थियो ।
