बौनियाँ कैलाली/दानबिर सामुदायिक बनका अध्यक्ष प्रेम बुढा क्षेत्रीले बैज्ञानिक बन र सेती लोकमार्ग का लागि काटिएका काठहरुबाट आएको पैसाले मोहन्याल गाउपालिका वडा नम्बर १ बडिकाथाईमा बिकास गर्ने बताएका छन् ।
अहिले सेती लोकमार्गले काटेका काठहरुको छपान र घाटगद्धी भइरहेको बताए । दानबिर सामुदायिक बनको करिब २ सय ३६ हेक्टर क्षेत्रफल रहेको बताउदै सेती लोकमार्गले १३ सय रुखहरु कटान गरेको अध्यक्ष बुढा क्षेत्रीले बताए । १३ सय रुख सडक संजालका लागि काटिए पनि समिती र उपभोक्ताले त्यसको दोब्बर रुख रोपेर फेरि जङ्गललाई हराभरा बनाउने आफ्नो योजना रहेको समेत अध्यक्ष बुढा क्षेत्रीले बताए ।
हेर्नु होस् यो भिडियो सहित
काठ बाट आएको पैसाले २५ प्रतिशत बन बिकासमा लगाउने,३५ प्रतिशत गरिबी न्यूनीकरण तथा सामाजिक क्षेत्रमा र ४० प्रतिशत बिकास निर्माणमा लगाउने हुदा बडिकाथाईका जनतालाई थोरै भए पनि रहात पुग्ने उनले बताए । गरिबी न्यूनीकरण अन्तर्गत युवाहरुलाई रोजगार सम्बन्धि सिपमुलक तालिम तथा खेलकुदका क्षेत्रमा र महिलाहरुलाई महिला उद्यमि सम्बन्धि तालिम प्रदान गरिने अध्यक्ष बुढा क्षेत्रीले बताए । यसका साथै उपभोक्ता हरुलाई बाख्रा तथा बङ्गुर बितरण गरेर गरिबी न्यूनीकरण गर्ने आफ्नो योजना समेत रहेको बताए ।
साथै सामुदायिक बनबाट आएको पैसाले बडिकाथाई देखि चौतारी सम्म २ किलोमिटर सडक संजाल निर्माण गरेको अध्यक्ष बुढा क्षेत्रीले बताए । काटिएका रुखहरुमा पहिलो अधिकार उपभोक्ताको हुने हुदा उपभोक्तालाई चाहिएमा निबेदन दिएमा सस्तो मुल्य ५०० रुपैया क्युफिट का दरले काठ उपलब्ध गराउने अध्यक्ष बुढा क्षेत्रीले बताए ।
दानुफाटा देखि कोपिला,नव प्रगती हुँदै तल्लापानी सम्म सडक मर्मत गरेको समेत अध्यक्ष बुढा क्षेत्रीले बताए । कृषि रोडलाई विशेष प्राथमिकतामा राखेर टोल(टोल गाउँ गाउँ पुग्ने बाटोमा यातायात पुगाउने आफ्नो लक्ष्य रहेको समेत उनले बताए । काटिएका काठहरुमा पहिलो प्राथमिकता उपभोक्ता, छिमेकी सामुदायिक बनका उपभोक्ता र अन्तिममा सूचना प्रकाशन गरि ठेकदारलाई दिने गरेको अध्यक्ष बुढा क्षेत्रीले बताए । साथै अध्यक्ष प्रेम बुढा क्षेत्रीले गाउमा कसैको मृत्यु भए काठ आवस्यक पर्दा उपभोक्ताहरुलाई निशुल्क उपलब्ध गराउदै आएको समेत बताए ।
साथै बन समूह सदस्य अशोक थापाले उपभोक्ता र समुहका लागि बनले एकदमै राम्रो गरेको बताए । साथै थापाले सामुदायिक बनका अध्यक्षले कार्ययोजना अनुसार नै काम गरि रहेको समेत बताए । अध्यक्ष बुढा क्षेत्रीले कुनै पनि काम गर्दा समुहका पदाधिकारी र उपभोक्ता संग सल्लाह लिएर गर्ने हुदा अध्यक्षको कुनै मनमानी नभएको थापाले जिकिर गरे । यदि अध्यक्षले एकलौटी काम गर्न खोजे आफुहरु खबरदारी गर्न तयार रहेको समेत बताए ।
हेर्नु होस् यो भिडियो सहित
सेतिलोक मार्गले १३ सय रुख काट्दा पसु पन्छिलाई केही असर हुन्छ कि भन्ने प्रस्नमा थापाले भने दानबिर सामुदायिक बनको पुरानै ट्रयाक अनुसार काम भएको छ र १३ सय रुख काटिए पनि समितिले तेस्को दोब्बर रुख रोप्ने योजना बनाएको हुदा तेस्तो असर नपर्ने उनले बताए ।
यस्तै कार्यालय सचिब देव बहादुर बोहराले कार्यालय संचालनमा अध्यक्ष तथा अन्य पदाधिकारी कसैको पनि दबाब अहिले सम्म नआएको बताए । काम गर्न सहज बाताबरण छ, उपभोक्ता,पदाधिकारी सबैको बन जोगाउनमा अहम भुमिका रहेको उनले बताए ।
हेर्नु होस् यो भिडियो सहित
उपभोक्ता तथा स्थानिय सरिता देवि पुन मगरले सामुदायिक बनले आफुलाई रोजगारी दिएर राम्रो काम गरेको बताईन । उनले म जस्तै गाउका दर्जनौं महिला तथा पुरुष दाजु भाइ हरुले आफ्नै गाउँ ठाउमा रोजगारी पाएका छौ र सामुदायिक बनले राम्रो गरेको बताईन ।
हेर्नु होस् यो भिडियो सहित
