बौनियाँ/कैलालीको बर्दगोरिया गाउँपालिका वडा नम्बर १ का ३६ वर्षीय गोकर्णप्रसाद उपाध्याय आफ्नो उपचारको पर्खाइमा रहेकोे वर्षौँ दिन बितिसक्यो । बोनम्यारो पीडित गोकर्णप्रसाद उपाध्यायलाई केही बर्ष देखि ए प्लाष्टिक एनिमिया रोगले ग्रसित बनायो । आर्थिक अभावका कारण उहाँको उपचार हुन सकेको छैन ।
उपाध्याय यस अघि सुत्केरी, दुर्घटना र अन्य जोखिमका बिरामीलाई अस्पतालमा पुर्याउन झिसमिसे बिहान, झम्के साँझ वा मध्येरात जतिसुकै बेला पनि दिनरात, घामपानी नभनी अहोरात्र खटिने एम्बुलेन्स चालकको बेलैमा आफ्नै स्वास्थ्य उपचार हुन नसक्दा ज्यानै जोखिमपूर्ण अवस्थामा छ ।
अरुको स्वास्थ्यप्रति चिन्तित हुँदै बिरामीलाई विभिन्न अस्पतालमा कसरी छिटो पुर्याउन सकिएला भन्ने सोचाइले एम्बुलेन्सको साइरन बजाउँदै दिनहुँ कुदिरहने कैलालीको बर्दगोरिया गाउँपालिका–१ का ३६ वर्षीय गोकर्णप्रसाद उपाध्याय आफ्नो उपचारको पर्खाइमा रहेकोे वर्षौँ दिन बितिसक्यो । आर्थिक अभावका कारण उहाँको उपचार हुन सकेको छैन । गएको साढे २ वर्ष देखि गाउँपालिकाको एम्बुलेन्स चलाएर जीविकोपार्जन गर्दै आएका उपाध्यायको बेलैमा उपचार हुन नसके ज्यानै जोखिमको अवस्थामा छ ।
उहाँ बोनम्यारो हड्डीभित्रको मासि सुक्ने समस्याबाट पीडित भएको पाँच वर्ष भयो । उपचारका लागि काठमाण्डौंको टिचिङ अस्पताल र भारतको लखनउका विभिन्न अस्पतालमा पटकपटक धाउनु भयो । तर, सुरुमा रोग नै पत्ता लागेन । स्वास्थ्य परीक्षणको क्रममा निजामती कर्मचारी अस्पताल काठमाण्डौंमा पुग्नुभयो । त्यहाँ बोनम्यारो (ए प्लास्टिक एनिमिया) को समस्या भएको पत्ता लाग्यो तर, आर्थिक अभावमा उपचार सम्भव भएन ।
उहाँको शरीरको हड्डीभित्रको भागमा बोनम्यारो उत्पादन हुन नसकी प्रत्यारोपण गर्नुपर्ने भएपछि आर्थिक समस्या आएको हो । उपचारमा चाहिने खर्चको जोहो गर्न नसक्दा आर्थिक अवस्था कमजोर भएका उपाध्याय परिवारलाई पीर चिन्ताले सताइरहेको छ । उहाँको अहिले निजामती कर्मचारी अस्पताल काठमाण्डौंमा नियमित चेकजाँच तथा स्वास्थ्य उपचार भइरहेकोे छ । हरेक महिना १८र२० दिनको फरकमा दुईपटक शरीरमा नियमित रगत चढाइरहेका गोकर्णले शरीरको नाक, मुख र अन्य अंगबाट रगत बग्न नदिन रगत रोकथामको औषधी नियमित खाई रहनुभएको छ । सुरुमा रोग पत्ता लगाउन र उपचारमा भौँतारिदा करिब १५ लाख रुपैयाँ खर्च भइसकेको उहाँले बताउनुभयो ।
अहिलेसम्म सामान्य उपचार गरिरहेको छु । उहाँले भन्नुभयो,‘एम्बुलेन्स चलाएर आएको तलबभत्ताबाट घरायसी गुजारा चलाउँदै आएको छु ।’ डाक्टरले बोनम्यारो (ए प्लास्टिक एनिमिया) को शल्यक्रिया गर्नुपर्ने र त्यसका लागि ३० लाख रुपैयाँ खर्च लाग्ने भन्नुभयो, त्यसका लागि हामीसँग पैसाको जोहो गर्न कठिनाई भएकाले शल्यक्रिया हुन सकिरहेको छैन ।, उपचारका लागि पैसा विना अर्को उपाय नहुँदो रहेछ ।
अहिलेसम्म भारत रहेका नेपाली नागरिकले संकलन गरि पठाएको साढे २ लाख रुपैयाँ बाहेक आफूसंग उपचारका लागि रकम नभएको उहाँले बताउनुभयो । आर्थिक अवस्था कमजोर भएका कारण आफ्नो उपचारमा लाग्ने ३० लाख रुपैयाँ जुटाउन नसकेर छट्पटिरहनु भएका उहाँले सहृदयी व्यक्तिसँग उपचारका लागि आर्थिक सहयोग गरी आफ्नो जीवन बचाइदिन आग्रह गर्नुभयो ।
उपाध्यायको जीवन रक्षाका लागि मानवीयता देखाएर सक्दो आर्थिक सहयोग गरौँ भनेर आर्थिक संकलन गर्न गोकर्णप्रसाद उपाध्याय बचाउ अभियानका लागि आव्हान गरिएको बर्दगोरिया गाउँपालिकाका युवाहरु बताउ छन । अप्ठ्यारो परिस्थितिमा साथ दिनु सामाजिक तथा मानवीय कार्य भएकाले जेनतेन अस्पताल पुर्याउन सहयोग जुटेमा उपाध्यायको उपचार गर्ने योजना सफल हुने युवाहरुको भनाई छ ।
रोगबाट पीडित गोकर्णप्रसाद उपाध्यायको उपचारमा आर्थिक सहयोग गर्न चाहनेले उहाँको नाममा एनआईसी एसिया बैंक बौनिया शाखामा रहेको खाता नम्बर ९५५७०३६३७१८५२४०१ र लक्ष्मी बैंक खाता नम्बर ०७७२०००१५२२ मा रकम जम्मा गर्न सकिने परिवार स्रोतले जनाएको छ ।
