गोदावरी,कैलाली/गोदावरी कृषि विकास सहकारी संस्था लिमिटेडको १० औं वार्षिक साधारणसभा शुक्रबार ओलानीमा सम्पन्न भएको छ । आर्थिक तथा प्रगति प्रतिवेदन अनुमोदन र आगामी कार्ययोजना तय गर्दै साधारणसभा समपन्न भएको हो । कोषाध्यक्ष पार्वती देवी विकले ८४ लाख १९ हजार ९ सय ८९ रुपैया बराबरको आयव्यय प्रस्तुत गरेकी थिईन । सहकारीमा २ लाख ५२ हजार १ सय ९० रुपैया १६ पैसा नाफामा रहेको उनले बताईन । हालसम्म सहकारीमा ७ सय ३७ जना सेयर सदस्य रहेकाछन ।
साधारण सभामा पत्रकार धनराज बिक, निवर्तमान अध्यक्ष टेक बिक सहित १० जनालाई दोसल्ला, फुलमाला र सम्मान पत्रले सुदूरपश्चिम प्रदेशका भौतिक पूर्वाधार विकास मन्त्री दृघ बहादुर सोडारीले सम्मान गरेका थिए ।
कर्यक्रमका प्रमुख अतिथि एवम् सुदूरपश्चिम प्रदेशका भौतिक पूर्वाधार विकास मन्त्री दृघ बहादुर सोडारीले ओलानी वासिका जनताको माग सरकारले पूरा गर्ने बताए । लामो समयदेखि चाक्ले खोलामा पुल नहुँदा यस क्षेत्रका जनताले सास्ती झेल्नु परेको स्मरण गर्दै जनताकै सहजताको लागि पुल निमार्णको काम भईरहेको मन्त्रीले बताए ।
गोदावरी कृषि विकास सहकारीले धेरै राम्रो काम गर्दै आएको भन्दै मन्त्री सोडारीले दिल खोलेर प्रशंसा गरे । दलित समुदायको बाहुल्यता रहेको यस क्षेत्रमा दलित समुदायको जीवन स्तरमा परिवर्तन ल्याउने गरि सहकारीले काम गर्दै आएको उनले बताए । सहकारीको थप विकासका लागि भुवन निमार्णमा सहयोग गर्ने मन्त्रीले प्रतिवद्धता जनाउदा साधारणसभाका सहभागीले खुसी हुदै ताली बजाएका थिए ।
गोदावरी नगरपालिकाको ११ नम्बर वडा नमुना वडाको रुपमा चिनिएको भन्दै वडा अध्यक्ष शिव बिकको कामको मन्त्रीले चर्चा गरेका थिए । आत्मनिर्भर बन्नको लागि मौसमी र बेमौसमी खेतीतर्फ अग्रसर हुनुपर्नेमा उनले जोड दिए ।
एक फरक प्रसङ्गमा मन्त्री सोडारीले अब सरकारको नेतृत्व दलित समुदायले गर्नुपर्ने बताए । मानिसलाई छुवाछुत गर्ने हिन्दु धर्म नसच्चिय कोल्याप्स अर्थात समाप्त भएर जाने धारण राखेका थिए ।
कार्यक्रमका विशिष्ट अतिथि एवम् गोदावरी नगरपालिका ११ नम्बरका वडा अध्यक्ष शिब विकले नुन बाहेक सबै खेती घरघरमा उत्पादन गर्नुपर्ने भन्दै भारत बाट आयातित तरकारी किनेर खाने बानी छोड्नु पर्ने बताए । आत्मनिर्भर बन्न कृषिमा केही नयाँ काम गर्नेहरुका लागि वडा सरकारले सहयोग गर्ने भन्दै सहकारीले गरि रहेको कामको समाजमा सकारात्मक प्रभाव परेको उनले बताए ।
सहकारीका निवर्तमान अध्यक्ष टेक बिकले १५ रुपैया बाट सुरु भएको सहकारी अहिले लाखौंको कारोबार गर्ने अवस्थामा पुगेको बताए । विगतमा ५ देखि १० रुपैया सम्मको चर्को ब्याजमा पैसा लिने बाध्यताको अन्त्य भएको भन्दै सहकारीको विकासमा सबै एक भएर लाग्नुपर्नेमा बिकले जोड दिए ।
कार्यक्रमका सभाअध्यक्ष कृष्ण बिकले सहकारीले साझा र सकारात्मक विचारले मात्र गति लिने भएकोले सबैले सहकारीको हितको बारेमा सोच्नुपर्ने बताए । २०६७ सालमा ७ सय ४१ जना दलित समुदायबाट बचत सुरु गरेको उनले सम्झिए । दलित विकास सेवा केन्द्र नामको संस्था स्थापना गरि सुरुवाती गरेपनि २०६९ सालमा गोदावरी कृषि विकास सहकारी संस्था लिमिटेड दर्ता गरि काम गर्दै आएको बिकले बताए ।
सचिब भिम बिकले संचालन गरेको कार्यक्रममा स्वागत मन्तव्य उपाध्यक्ष बसन्ति विकले राखेकी थिईन । कार्यक्रममा नरजित धामी, डम्बरी जैगडी, डिल्ली बिक, लक्ष्मी बिक, राम बहादुर कार्की, बिर्केश सुनार, नन्द बिक, लोक बहादुर कोली, गम मिजार र पत्रकार धनराज विकले शुभकामना मन्तव्य राखेका थिए ।
