शनिबार, असार ३०, २०८१

Baigyanik Media

Advertisment

SKIP THIS

न्यु लालीगुराँस ग्रामिण विधुत सहकारी संस्थाको १५ औं चुनाबी साधारणसभा बाट अध्यक्षमा लोकेन्द्र न्यौपाने चयन

बौनियाँ,कैलालीको बर्दगोरिया गाउँपालिका वडा नं.३ स्थित न्यु लालीगुराँस ग्रामिण विधुत सहकारी संस्थाको १५ औं चुनाबी साधारणसभा सम्पन्न भएको छ ।

वडाअध्यक्ष कर्ण सुनारको प्रमुख आतिथ्यतामा सम्पन्न साधारणसभामा न्यायपालिका तथा वडासदस्य टंकराज ओली विशिष्ट अतिथि रहेका थिए । संस्थाका अध्यक्ष भुपेन्द्रबहादुर राष्कोटीको सभापतित्वमा कार्यक्रम भएको हो ।सो अवसरमा संस्था लेखा संयोजक राजन पोखरेलले वार्षिक प्रगति तथा लेखापरीक्षण प्रतिवेदन प्रस्तुत गरेका थिए । सभामा संयोजक पोखरेलले संस्थाको वार्षिक प्रगति प्रतिवेदन पेस गर्दै आर्थिक वर्ष २०७६र०७७ मा ६ लाख १ हजार १ सय ३७ रुपैयाँ आर्थिक कारोबार भएको जानकारी दिए ।

संस्थामा हालसम्मको सेयर पुँजी ९४ हजार १ सय रहेको, यस वर्षको नोक्सान १ लाख ७९ हजार ३ सय ४५ रहेको जानकारी दिए । यस्तै, नगद तथा बैंक मौज्दात ३ लाख २६ हजार ७ सय ८२ रहेको जानकारी दिए । सहकारीमा हाल ३ सय २० जना सेयर सदस्य रहेका छन् ।

कार्यालय प्रवन्धक चक्रबहादुर बिष्टले स्वागत मन्तव्य राखेको कार्यक्रममा समाजसेवी मनऋषि आचार्य, शिक्षक शिवराज गौतम, शिवशक्ति ग्रामीण विधुत सहकारी संस्थाका अध्यक्ष नवराज टमट्टा, दानुफाँटा नमूना सामूदायिक बन समूहका अध्यक्ष टेकराज जोशी, वडासदस्य वीरबहादुर बौडेल लगायतले मन्तव्य राखेका थिए । कार्यक्रमको संचालन सचिव शिखर बिश्वकर्माले गरेका थिए ।

नयाँ कार्यसमिति गठन संस्थाको १५ औँ चुनाबी साधारण सभाबाट आगामी ३ वर्षे कार्यकालका लागि नयाँ कार्यसमिति गठन गरिएको छ । लोकेन्द्र न्यौपानेको अध्यक्षतामा ९ सदस्यीय कार्यसमिति गठन गरिएको हो । जसको उपाध्यक्षमा इन्द्रबहादुर थापा, कोषाध्यक्षमा जमुना नेपाली, सचिव गोमादेवी भुल, सदस्य राधा सापकोटा, सरिता चौधरी, ईश्वरी कार्की, सञ्जु चौधरी र सानु विश्वकर्मा रहेका छन् ।

यस्तै, बसन्त ओलीको संयोजकत्वमा ३ सदस्यीय लेखासमिति गठन गरिएको छ । जसको सदस्यमा पुष्पराज रिजाल र डम्बर जोशी रहेका छन् । अध्यक्ष पदमा निर्वाचित भएपछि नवनिर्वाचित अध्यक्ष लोकेन्द्र न्यौपानेले विधुत संस्थालाई थप व्यवस्थित गर्दे लैजाने प्रतिक्रिया दिएका छन् ।

सहकारी संस्थाको हित र विकासका लागि सबै उपभोक्ता र पदाधिकारीबीच समन्वय तथा सहकार्यमा जोड दिने भन्दै उनले संस्थामा सबैको साथ अपरिहार्य रहेको बताए ।

विधुत सहकारी संस्थाको आर्थिक कोषको वृद्धि गर्न बचत तथा पुँजीलाई कृषिमा लगानी गरी आवश्यक पर्ने मालखाद्य तथा बिउँबिजन खरिदबिक्रीबाट थप संस्थाको विकास गर्ने लक्ष्य रहेको धारणा व्यक्त गरेका छन् ।

यो पोस्ट हेरेर/पढेर तपाईलाई कस्तो लाग्यो ?

© २०७८/२०७९ वैज्ञानिक मिडिया सर्वाधिकार सुरक्षित. Site By : Himal Creation