बुधबार, फाल्गुन ९, २०८०

कैलालीमै पहिलो पटक बर्दगाेरियाले गर्यो निस्सा बितरणकाे सुरुवात

बौनियाँ,कैलाली – भुमिहिन दलित र सुकुम्बासीलाई स्थायि लालपुर्जा वितरणकाे थालनिकाे रुपमा लिईने निस्सा वितरणको कार्य बर्दगाेरिया गाउँपालिकामा समेत सुरु भएको छ । साेमबार बर्दगाेरिया गाउँपालिका वडा नम्बर ३ बाट निस्सा वितरणको कार्यकाे बर्दगाेरिया गाउँपालिका अध्यक्ष कर्ण बहादुर कुँवरले सुरुवात गर्नु भएको हाे । कुँवरले आफ्नो कार्यकालको सुरुवातमै गाउँपालिका भित्र रहेका सम्पूर्ण ऐलानी जग्गाहरुलाई स्थायि गर्दै व्यक्तिले नाममा गरिछाेड्ने दाबी गर्नु भएको थियोे । निस्सा वितरण कार्यक्रममा बर्दगाेरिया गाउँपालिका उपाध्यक्ष गणेशराज गिरि (लालदिप) वडा नम्बर ३ का वडा अध्यक्ष मनऋषी आचार्य कार्यपालिका सदस्य वडा सदस्य लगायतको सहभागिता रहेको थियो ।वडा नम्बर ३ मा ४५ जना भुमिहिन दलित र २५ जना भुमिहिन सुकुम्बासी लाई पहिलो चरणमा साेमबार जग्गाको अस्थायी लालपुर्जाका रुपमा लिइने निस्सा बितरण गरेको हाे । साे अबसरमा हामी संग संक्षिप्त कुरा गर्दै बर्दगाेरिया गाउँपालिका अध्यक्ष कर्ण बहादुर कुवरले निस्सा वितरणकाे कार्यकाे अब सुरुवात भए संगै यसले चाडै तिब्रता पाउने बताउनुभयो ।कार्यक्रममा उपस्थित बर्दगाेरिया गाउँपालिका उपाध्यक्ष गणेशराज गिरि (लालदिप) का अनुसार निस्सा बितरणकाे कार्य सम्पन्न भए लगत्तै गाउँपालिकाले स्थायी लालपुर्जा बितरणकाे कार्यलाई चाडै सुरुवात गर्ने तयारी गरिरहेकाे जानकारी दिनुभयो । कार्यक्रमको सञ्चालन वडा नं ३ का कार्यालय सहयोगी रवि जनलाले गर्नु भएको थियो ।

         (फोटो फिचर सहित हेर्नुहोस्)

यो पोस्ट हेरेर/पढेर तपाईलाई कस्तो लाग्यो ?

© २०७८/२०७९ वैज्ञानिक मिडिया सर्वाधिकार सुरक्षित. Site By : Himal Creation
error: Content is protected !!