एनएसएल: स्पोर्टिङ्ग इलाममाथि काठमाडौं रेजर्स १-० गोलले विजयी

काठमाडौँ। नेपाल सुपर लिग (एनएसएल) को दोस्रो संस्करणको उद्घाटन खेलमा साविक विजेता काठमाडौं रेजर्सले विजयी शुरुवात गरेको छ ।दशरथ रंगशालामा सम्पन्न खेलमा काठमाडौँ रेजर्सले नयाँ टोली स्पोर्टिङ्ग इलाम एफसी डे मेचीलाई १-० गोल अन्तरले पराजित गरेको हो ।काठमाडौँको जितमा खेलको ५२औं मिनेटमा राजीव लोप्चनले गरेको गोल नै खेलको निर्णायक गोल बनेको थियो ।यो जितपछि काठमाडौँ रेजर्सले ३ अंक हासिल गरेको छ ।गत संस्करणमा सहभागी ७ टोली मध्य विराटनगर सिटी एफसी बाहेकका ६ र ३ नयाँ टोली गरि ९ टोलीले दोस्रो संस्करणमा प्रतिस्पर्धा जनाएका छन् । पहिलो संस्करण समेत खेलेका काठमाडौं रेजर्स, पोखरा थन्डर्स, ललितपुर सिटी एफसी, धनगढी एफसी, एफसी चितवन र बुटवल लुम्बिनी एफसी सहित तीन नयाँ टोली झापा एफसी, स्पोर्टिङ्ग इलाम एफसी डे मेची र विरगन्ज युनाइटेड एफसी यस संस्करणमा खेल्दै छन् ।

यो पोस्ट हेरेर/पढेर तपाईलाई कस्तो लाग्यो ?