कैलाली । कैलालीमा काँडा नदिमा पौडी खेल्ने क्रममा डुबेर मृत्यु भएका घरपरिवारलाई स्थानिय सरकारले राहत दिने भएको छ ।
बुधबार काडा नदिमा डुबेर बर्दगोरिया गाउँपालिका–३ का लक्ष्मण विश्वकर्माका ९ वर्षीय छोरा अमर विश्वकर्माको मृत्यु भएको हो ।
साथीहरुसँग नदिमा पौडी खेल्न गएको बेला डुबेका उनको स्थानीयले उद्धार गरी बौनिया स्थित बर्दगोरिया अस्पतालमा उपचारका लागि लैजाँदै गर्दा मृत्यु भएको हो ।
बुधबार दिउँसो ४ बजेतिर पौडी खेल्न गएका उनको जेसीबीले खनेको खाल्डोमा परि ज्यान गएको हो । मृत्युपछि आक्रोशित बालकका आफन्त तथा स्थानीयले ईलाका प्रहरि कार्यालय बौनियामा पालिका संग भएको सहमती पछि लासलाई पोस्टमार्टम गर्न दिने सहमति गरेका थिए ।
मुतकका आफन्तलाई स्थानिय सरकार बर्दगोरिया गाउँपालिकाले राहत स्वरुप २ लाख दिने कार्यपालिकाले निर्णय गरेको प्रवक्ता मिथुन गौतमले बताए ।
