कैलाली। कैलाली जिल्लाको बर्दगोरिया गाउँपालिकाको वडा नम्बर २ बौनियाँ गाउँ नजिक महेन्द्रराजमार्गमा दुर्घटना हुदा एक जनाको मृत्यु भएको छ ।
बुधबार बेलुका सुमन थारुले चलाएको से ७ प ५३४७ र लवकुश चौधरीले चलाएको सु प प्र ०१००१० प १९०२ नम्बर को मोटरसाइकल एक आपसमा ठोकिदा दुर्घटना भएको हो । दुर्घटना परि बर्दगोरिया गाउँपालिका वडा नम्बर २ का ३१ वर्षिय सुमन थारुको कोहलपुर मेडिकल कलेजमा उपचारको क्रममा मृत्यु भएको छ भने वडा नम्बर २ कुम्भियाका ४९ वर्षिय लवकुश चौधरी घाईते भएको ईलाका प्रहरी कार्यालय बौनियाले जानकारी दिएको छ । घाइते लवकुशको घोडाघोडी अस्पतालमा उपचार भइ रहेको छ । उनको अवस्था सामान्य रहेको छ ।
यसै गरि बिहीवार बिहान ४ बजे मोटरसाइकल र एम्बुलेन्स एक आपसमा ठोकिदा सु प प्र ०१००१० प २५७२ नम्बरको मोटरसाइकल चालक मोहन्याल गाउँपालिका वडा नम्बर १ बसन्तगडाका २५ वर्षिय गणेश घर्तिमगर घाईते भएका हुन । बा १ झ ८७९९ नम्बरको सेती प्रादेशिक अस्पतालको एम्बुलेन्स बिरामी बोकेर नेपालगन्ज जाँदै गर्दा बर्दगोरिया गाउँपालिका वडा नम्बर २ बौनिया गाउँ नजिक महेन्द्रराजमार्गमा दुर्घटना भएको हो ।
घाईते मगरको बर्दगोरिया अस्पतालमा उपचार भइ रहेको ईलाका प्रहरी कार्यालय बौनियाका बरिस्ठ सई राजु शाहले जानकारी दिनु भयो । मगरको दायाँ हात र बायाँ खुट्टामा चोट लागेको छ ।
