कैलाली । कैलालीको घोडाघोडी नगरपालिकाका लेखा अधिकृत हरिस धामीले पालिकाको आर्थिक शाखा मनोमानी ढंगले संचालन गर्दै आएको पाइएको छ।
पालिकाको आर्थिक शाखामा २ जना लेखापाल छन तर अधिकृत धामीले उनिहरुलाई काम विहिन बनाएको स्रोतको दावी छ। धामी छुट्टी बस्दा समेत उनिहरुलाई कुनै भुमिका नदिएको र शाखाका सम्पुर्ण काम काज थप्प पारेर बिदा बस्ने गरेको नगरपालिकाको विशेष स्रोतले हामिलाई जानकारी दियो । विगत ७ महिना देखी २ लेखापाल शाखामा भुमिका विहिन भएपछी कार्यालय आउने र हाजिर गरेर जाने मात्र गर्ने गरेको दावी स्रोत को छ। धामी छुट्टी बस्दा समेत काज मिलाएर भत्ता पचाउने गरेको स्रोतले बतायो। यस्तै असाढ २४ गते (आज) आर्थिक वर्षको अन्तिम दिन पनी धामीले कार्यकक्षमा ताला लगाएर बसेका थिए ।
तर उनको विदा भने थिएन धामी कहा थिए। भन्ने पालिकाकै कार्यालय प्रमुखलाई समेत जानकारी थिएन। आर्थिक वर्षको अन्तिम दिनहुदा समेत कामकाज थप्प राखी शाखामा ताला लगाएरै धामी कहा छन। पत्तो छैन उनको फोन समेत उठेको छैन। आर्थिक वर्षको अन्तिम दिन समेत धामीको यस्तो हर्कतले सकिएका योजनाका चेक बमाउने काम अलपत्र परेका छन।
