कैलाली । कैलालीको घोडाघोडी नगरपालिका–१ सुखडमा भएको मैत्रीपूर्ण फुटबलको उपाधि शिक्षकहरूको टिमले जितेको छ । मङ्गलवार भएको फाइनल खेलमा घोडाघोडी जेसीजलाई ०४–० गोलको अन्तरले हराउँदै शिक्षकहरूको टिमले उपाधि जित्न सफल भएका हुन् ।
निर्धारित समयको खेलमा शिक्षकहरूको टिमले ४ गोल हान्यो भने घोडाघोडी जेसीज गोल हाल्न सकेन । विजेता भएको शिक्षकहरूको टिमले १५ हजार बराबरको खसी पुरस्कार पाएका छन् । नगर प्रमुख खडक बहादुर रावतले पुरस्कार वितरण गरेका थिए ।
सामाजिक सद्भाव, प्रेम, मित्रता र एकताका लागि घोडाघोडी क्षेत्रका सक्रिय पत्रकारहरूले मैत्रीपूर्ण फुटबलको आयोजना गरेका थिए । मैत्रीपूर्ण फुटबल खेल सम्पन्न गर्न घोडाघोडी क्लबको सहकार्यको रहेको थियो ।
जनप्रतिनिधि, शिक्षक, उद्योग वाणिज्य सङ्घ र जेसीज बिच मैत्रीपूर्ण फुटबल खेलमा सबैलाई पराजित गर्दै शिक्षक र जेसीजको टिम फाइनलमा पुगेका थिए । हिजो साँझ परेका कारण फाइनल खेल आज बिहान खेलाइएको थियो । खेल अवलोकन गर्न स्थानीयवासी, विभिन्न राजनैतिक दलका स्थानीय नेता र खेलप्रमीहरुको बाक्लो उपस्थिति रहेको थियो ।
जनप्रतिनिधि, शिक्षक, उद्योग वाणिज्य सङ्घ र जेसीज बिच मैत्रीपूर्ण फुटबल खेलमा सबैलाई पराजित गर्दै शिक्षक र जेसीजको टिम फाइनलमा पुगेका थिए । हिजो साँझ परेका कारण फाइनल खेल आज बिहान खेलाइएको थियो । खेल अवलोकन गर्न स्थानीयवासी, विभिन्न राजनैतिक दलका स्थानीय नेता र खेलप्रमीहरुको बाक्लो उपस्थिति रहेको थियो ।
