कैलाली । कैलालीको बर्दगोरिया गाउँपालिका–३ का शारिरीक अपांगता तथा ज्येष्ठ नागरिकलाई न्यानो लुगा वितरण गरिएको छ । आइतबार उक्त वडाका ‘क’ र ‘ख’ वर्गका अपांगता भएका नागरिक र ७५ वर्षमाथि उमेरका वृद्धवृद्धालाई कम्बल प्रदान गरिएको हो ।
वडा कार्यालयको चालू आर्थिक वर्ष २०८०–०८१ कोे वार्षिक बजेट तथा कार्यक्रमबाट विनियोजित ३ लाख रुपैयाँको न्यानो लुगा खरिद गरी वितरण गरिएको वडा कार्यालयले जनाएको छ। वडाका ‘क’ र ‘ख’ वर्गका अपांगता भएका नागरिक र ७५ वर्षमाथि उमेरका वृद्धवृद्धालाई कम्बल प्रदान गरिएको हो । वडा कार्यालयको चालू आर्थिक वर्ष २०८०–०८१ कोे वार्षिक बजेट तथा कार्यक्रमबाट न्यानो लुगा खरिद गरी वितरण गरिएको वडा कार्यालयले जनाएको छ । 
वडाका ११२ जना ज्येष्ठ नागरिक, ३३ जना अपांगता भएका व्यक्ति र १५ जना अति विपन्न, असहायलाई प्रतिव्यक्ति एक थान कम्बल वितरण गरिएको थियो । कुल १६० जनाले न्यानो कपडा पाएपछि खुसी व्यक्त गरेका छन् । स्थानीय ७७ वर्षीय भागा विकले वडा सरकारले जाडो मौसममा न्यानो लुगा दिएकोमा खुसी व्यक्त गरिन् । उनले वडा सरकार दिएको सहयोगप्रति आफू खुसी रहेको बताइन् । वडाले वितरण गर्ने न्यानो कपडाबाट चिसोबाट जोगाउन मद्दत मिलेको स्थानीय समाजसेवी गयालाल आचार्यले बताए । उनले यस्ता कार्यक्रमलाई प्रत्येक वर्ष निरन्तरता दिनुपर्ने र सबै वर्गका नागरिकले लाभ लिनसक्ने गरी विस्तार गर्नुपर्ने सुनाए ।
कार्यक्रमका गाउँपालिका अध्यक्ष कर्णबहादुर कुँवर, वडाध्यक्ष मनऋषि आचार्य, न्यायपालिका सदस्य बसन्ती साउँद र वडासदस्यहरु सहभागि थिए । सो अवसरमा गाउँपालिका अध्यक्ष कुँवरले वडा नं. ३ ले राम्रो काम गरेको भन्दै प्रसंशा गरे । उनले अशक्त र ज्येष्ठ नागरिकको सेवा गर्नु सबैको कर्म र धर्म भएको बताए । उनले आफू जनताका समस्या कसरी हल गर्न सकिन्छ र सेवासुविधाको पहँुच पुर्याउन सकिन्छ भन्नेतर्फ सधैँ चिन्तित रहेका बताए ।न्यानो लुगा वितरण गर्दै वडा नं. ३ का वडाध्यक्ष मनऋषि आचार्यले गरीब र विपन्न नागरिकलाई केही राहत मिलेको बताए । उनले वडाअन्तर्गतका सबै वर्ग, समुदायलाई लक्षित गरेर आयआर्जनसँगै सामाजिक र आर्थिक अवस्थामा सुधार ल्याउनतर्फ जोड दिइएको बताए । स्थानीय जनताको जनजीविकाको सवालमा आवश्यक योजना, नीति तथा कार्यक्रममार्फत आगामी दिनमा थपसेवासुविधा विस्तार गर्दै जाने उनले प्रतिबद्धता जनाए । सबै लक्षित वर्ग र लाभग्राहीलाई कसरी बढीभन्दा बढी लाभ दिन सकिन्छ त्यसतर्फ आफू सधैं चिन्तित बनेको उनको भनाइ थियो ।
