कैलाली । कैलालीको घोडाघोडी नगरपालिका–२ नयाँ बजारमा रहेको महोन्याल सामुदायिक वन भित्र बन्न लागेको एक भवनलाई भत्काइएको छ । डिभिजन वन कार्यालय पहलमानपुर र सब डिभिजन बन कार्यालय साडेपानीको संयुक्त टोलीले उक्त भवनलाई भत्काइएको हो ।
सामुदायिक वन अतिक्रमण गरी बनाउन लागिएको उक्त भवनलाई भत्काइएको डिभिजन वन कार्यालय पहलमानपुरका प्रमुख वन अधिकृत राम बिचारी ठाकुरले बताए । निमार्ण स्थल बाट महोन्याल सामुदायिक वनका उपाध्यक्ष रङ्गिता चौधरी र सचिव सपना कार्कीलाई समेत नियन्त्रणमा लिएको उनले जानकारी दिए ।
पटक पटक भवन नबनाऊ आग्रह गर्दा समेत समितिले नटेरेको सब डिभिजन बन कार्यालय साडेपानीले जानकारी दिएको छ । भत्काइएको उक्त भवन के प्रयोजनको लागी बनाउन लागिएको बारेमा खुलेको छैन । 
