
कैलाली । ईलाका प्रहरी कार्यालय सडकपुर बौनियाले लागुऔषध ब्राउन सुगरसहित दुई जनालाई पक्राउ गरेको छ । सोमबार दिउँसो विषेश सूचनाका आधारमा ईलाका प्रहरी कार्यालय सडकपुर बौनियाबाट खटिएको प्रहरी टोलीले उनीहरुलाई पक्राउ गरेको जनाएको छ ।
पक्राउपर्नेमा बर्दगोरिया गाउँपालिका–१ का २० वर्षीय उमेश सुनार र वडा नं.–२ का २२ वर्षीय विरेन्द्र सिंह रहेका छन् । उनीहरुको साथबाट कालो प्लाष्टिकको पोकोमा राखिएको २०० मिलिग्राम ब्राउन सुगर सहित पक्राउ गरेको प्रहरीले जनाएको छ । ईलाका प्रहरी कार्यालय सुखडले दिएको जानकारी अनुसार उनीहरूमाथि थप अनुसन्धान भइरहेको छ ।
यस्तै, सोही घटनाका प्रतिबन्धित औषधिसहित बर्दगोरिया– ३ का तीन जना पक्राउ परेका छन् । उनीहरुको साथबाट कति परिणाममा कस्तो प्रकारको लागुऔषध बरामद गरिएको प्रहरीले खुलाएको छैन ।