कैलाली । कैलालीमा लेनदेनको विषयमा विवाद भए पछि खुकुरी प्रहार भएको छ । प्रहरीका अनुसार जिल्लाको बर्दगोरिया गाउँपालिका वडा नम्बर २ का ४७ वर्षीय रूपबहादुर सुनार माथि खुकुरी प्रहार भएको हो ।
लेनदेनको विषयमा विवाद हुँदा बुधवार बिहान ७ बजे सुनारकै घरमा सोही पालिका वडा नम्बर ५ का ३२ वर्षीय वसन्त साउँदले खुकुरी प्रहार गरेको इलाका प्रहरी कार्यालय सुखडका प्रमुख प्रहरी नायव उपरीक्षक वीरेन्द्र वीर विश्वकर्माले जानकारी दिए । “खुकुरी हान्नेलाई हामीले नियन्त्रणमा लिएका छौ । घाइतेको हातमा चोट रहेको र उपचारका लागी नेपालगन्ज लगिएको भन्ने आएको छ । म यसबारे थप बुझ्दै छु ।” उनले भने ।
