कैलाली । युवालाई स्वरोजगार बनाउने लक्ष्यका साथ कैलालीको बर्दगोरिया गाउँपालिका वडा नं ४ मुडामा वडा कार्यालयले ड्राइभिङ तालिम सम्पन्न गरेको छ । वडाका बेरोजगार युवालाई लक्ष्यीत गर्दै वडा कार्यालयले मुडा बजार खेल मैदानमा जीप, कार, ट्याक्सी जस्ता साना गाडी चलाउने एक महिने ड्राइभिङ तालिम सम्पन्न गरेको हो ।
गाउँमै बसिरहेका युवा सहभागी रहेको समापन ड्राइभिङ तालिममा बर्दगोरिया गाउँपालिकाका उपाध्यक्ष गणेश राज गिरी (लालदीप) प्रमुख अतिथि रहनु भएको थियो। ड्राइभिङ तालिम लिएका कोही पनि युवा बेरोजगार भएर बस्नु नपरेको तथ्यलाई ध्यानमा राखेर ड्राइभिङ तालिम सुरु गरिएको वडाध्यक्ष वडा अध्यक्ष जगत बहादुर शाहीले बताए। वडा कार्यालयले चालु आर्थिक वर्षमा बिनियोजन गरेको २ लाखमा युवालाई मुडा बजार खेल मैदानमा भेला गरेर ड्राइभिङ तालिमको आयोजना गरिएको थियो। 
२० जनालाई लक्ष्यीत गरेर ड्राइभिङ तालिममा सहभागिता रहेको वडाध्यक्ष शाहीले बताए । वेरोजगारमा बसिरहेका युवालाई लक्ष्यीत गरेर आयोजना गरिएको ड्राइभिङ तालिममा वडा भरिका २० जना युवाको सहभागिता रहेको थियो । ‘रोजगारको कुरा गर्ने वित्तिकै सीपको कुरा आउँदो रहेछ । 
अध्ययन गर्दा ड्राईभिङ सिकेका युवा कोही पनि खाली बस्नु परेको देखिएन,’ वडाध्यक्ष शाहीले भने, ‘वडाबाट पनि ड्राईभिङ तालिमकै माग आयको थियो। सीपमध्ये ड्राईभिङको सम्भावना राम्रो देखिएकाले सोही सम्वन्धी तालिम आयोजना गरेका हौँ । युवाले चासो देखाएकाले तालिम फलदायी हुनेमा हामी उत्साहित छौँ ।
भिडियो सहित
