कैलाली । कैलालीको लम्कीचुहा नगरपालिकाको वडा नं १ लम्की बजारमा बिहान ७ बजेबाट पायनियर्स एकेडिमी नजिकको नालामा डोजर चलेको लम्कीचुहा नगरपालिकाले जनाएको छ । यो काममामा सबैलाई सहयोग गर्न मेयर सुशीला शाहीले अपील गर्नु भएको छ । डोजर चलेको छ । पालिका क्षेत्रका सार्वजनिक जग्गा तथा नदीनालाहरुमा अतिक्रम बढेपछि मेयर सुशीला शाहीले डोजर लगाएर अतिक्रमण गरेर बनाइएका संरचना भत्काउन आदेश दिएकी हुन् ।
नाला अतिक्रमणका कारण लम्की क्षेत्र बर्सेनि डुबानमा पर्दै आएको थियो । तर अब भने समस्या समाधान हुने नगरपालिकाले अपेक्षा गरेको छ । केही दिनअघि मात्र नगरपालिकाले अतिक्रमित क्षेत्रमा रेखांकन गरी अतिक्रमण हटाउन सातदिने सूचना समेत सार्वजनिक गरिको थियो । आजबाट भने लम्की क्षेत्रमा डोजर चलाएर अवैध संरचना भत्काउन थालिएकाे हाे ।
सार्वजनिक जग्गा तथा नदीनालाहरुमा अतिक्रममा मेयर सुशीला शाहीले डोजर स्काभेटर चलाए पनि नगरबासी खुशी भएका छन्। मेयर शाहीको चर्चा विभिन्न मिडिया र सामाजिक सञ्जालमा निकै भाइरल बनेको छ। देश विशेषमा रहेका नेपालीले बालेन, हर्क र गोपी पछिको सार्वजनिक जग्गामा डोजर स्काभेटर चलाउने पहिलो महिला मेयर शुसिला शाही भएको बताएका छन्।
