कैलाली । कैलाली जिल्लाको बर्दगोरीया गाउँपालिका वडा नं ५ मा रहेको महालक्ष्मी आदर्श युवा क्लबले आज बैदिपुर पिपल चौतारी हुँदै ,सरस्वती प्रा.बि मन्दिर,सडक नाला छेउछाउमा रहेका झाडी जगल सरसफाइ गरेको छ । महालक्ष्मी आदर्श युवा क्लबको आयोजना तथा बर्दगोरीया गाउँपालिका वडा नं ५ को आर्थिक सहयोगमा उक्त सरसफाइ अभियान थालिएको हो ।
महालक्ष्मी आदर्श युवा क्लबले बृहत् सरसफाइ कार्यक्रम २०८० अन्तर्गत आज विद्यालय, सडक , मठ-मन्दिर,सडक नाला छेउछाउमा रहेका झाडी जगल सरसफाइ गरेको महालक्ष्मी आदर्श युवा क्लबका अध्यक्ष प्रेम सुनारले जानकारी दिनुभयो । महालक्ष्मी आदर्श युवा क्लबले यो भन्दा पहिले युवाहरूको व्यक्तित्व तथा नेतृत्वमा विकासका लागि विभिन्न मेला महोत्सवमा युवा युवतीलाई कला नृत्य प्रश्तुत गराउँदै आएको सुनारले बताए । यसै गरी सरसफाइ कार्यक्रमलाई निरन्तरता दिँदै जाने अध्यक्ष सुनारले बताए । सरसफाइ कार्यक्रममा वडा सदस्य शंकर विक,समाज सेवी, बुद्धिजीवी लगायत स्थानीय र महालक्ष्मी आदर्श युवा क्लबका पदाधिकारी र स्थानीय युवायुवतीहरुको सहभागिता रहेको थियो ।
