काठमाडौंं। हास्य टेलिशृंखला‘दोबाटे’की कलाकार लक्षणा राईको निकै व्यस्तता बढेको छ । दोबाटेमा ‘थसुल्ली’को भूमिकामा प्रस्तुत भइरहेकी लक्षणा दर्शकलाई हसाइरहेकी छिन् । उनलाई विभिन्न टेलिफिल्महरुबाट अफर आईरहेको बताउँछिन् । मोरङ पथरीशनिश्चरेकी उनी दोबाटेमा मात्र हैन विल्सन विक्रम राईद्धारा निर्देशित ‘फुर्के नम्बर १’मा पनि ठेट जनजाति टोनमा दर्शकलाई मनोरञ्जन दिएकी छिन् । उनलाई काठमाडौंमा बसेर भन्दा मोफसलमै बसेर काम गर्न मन पर्ने बताउँछिन् । उनी भन्छिन्, ‘अब मोफसल भन्ने शब्दको अर्थ नै गलत छ जस्तो लाग्छ । इन्टरनेटको युगमा जहाँ बसेर नि काम गर्न सकिन्छ, के मोफसल के राजधानी ।’
सानैदेखि कलाकारभन्दा पनि गीतकार बन्ने रहर बोकेकी थसुल्लीले कलाकारिता क्षेत्रमा आउनु चिठ्ठा परेको मान्छिन् । उनले हास्य कलाकार बन्छु भनेर कहिल्यै नसोचेको बताउँछिन् । ‘तत्कालीन समय झापा दमकको ‘हिमशिखर’ टेलिभिजनबाट ‘दोबाटे’ प्रसारण हुने भएपछि पत्रकार गोपाल काफ्ले दाइले काम गर्छाै भनेर सोध्नुभयो,’ सुरुवाती दिन सम्झिन्दै उनले भनिन्, ‘झट्ट काम गर्न मन लागेन । दाइले तिमी सक्छौले भनेर कर गर्नुभयो। ममीले पनि गर भन्नुभयो। त्यसपछि टेलिसिरियलमा काम गर्न तयार भएँ । आज त्यही कारण यो क्षेत्रमा छु ।’
कहिल्यै स्टेज कार्यक्रममा सहभागी भएकी थिइनँस्कुल पढ्दाताका सानातिना कार्यक्रममा सहभागी भए । पहिलो दिन क्यामरा फेस गर्दा एकदमै डर लाग्यो । अहिले त बानी परिसक्यो, जे दिएपनि ‘वानटेक’ मै ‘ओके’ हुन्छ । शिक्षण पेशामा समेत क्रियाशील राई आफु अभिनयमा छुच्ची भए पनि भित्र भने निकै भाबुक रहेको बताउँछिन् । उनले भनिन्, ‘कसैको दुःखको देख्न सक्दिनँ, आँशु झरिहाल्छ । अझ बुढापाका मानिसहरुको दुःख देख्दा मन नै बहकिन्छ । सक्दो सहयोग गर्न मन लाग्छ ।’
आफुलाई लक्षणाभन्दा पनि थसुल्ली भनेर चिन्ने गरेको उनी बताउँछिन् । ‘अहिले कतै कार्यक्रममा जाँदा सबैले ‘थसुल्ली दिदी’ भनेर बोलाउँछन्, लक्षणा नाम नै हराइसक्यो,’ उनी भन्छिन् । अब त थसुल्ली भन्दा नै रमाइलो लाग्छ ।कलाकारिता क्षेत्रमा आउने प्रेरणा आफ्नो शिक्षक गुणराजबाट प्राप्त भएको उनी बताउँछिन् । भन्छिन्, ‘सरले हिजोका दिनमा केही गर नाम राख भनेर हौसल्ला दिनुहुन्थ्यो । एकदमै सर्पोट गर्नुहुन्थ्यो । उहाँले डोहो¥याएर मात्र हैन, काँधमै बोकेर हिँडाउनु भयोभन्दा फरक पर्दैन ।’
तर, उनै शिक्षक गुणराजले भने उनको सफलता देख्न पाएन् । थसुल्ली भन्छिन्, ‘उहाँले मेरो यो सफलता आज देख्न पाउनुभएको भए कति गौरव गर्नुहुन्थ्यो होला । उहाँलाई एकदमै मिस गर्छु ।’सरकारले टिकटक बन्द गरेकोमा उनलाई मन परेको छैन । उनले अभिनय गरेका क्लिप्सहरु टिकटकमा धेरै हिट भएका छन्। सरकारले टिकटक बन्द गरेकोमा दुख लागेको बताउँछिन् । ‘टिकटकमा बेथिति मात्र छैन, कलाप्रतिभाहरु हिट भएका छन्,’ उनले भनिन् ।
