कैलाली। कैलाली जिल्लाको बर्दगोरिया गाउँपालिकाका अध्यक्ष कर्ण बहादुर कुँवरले आइतबार एक कार्यक्रमको बीच रानीकुण्डा आधारभुत स्वास्थ्य सेवा केन्द्र प्रसुती गृहको उद्घाटन गर्नु भएको छ ।
पालिकाको वडा न ३ रानीकुण्डामा उद्घाटन भएको उक्त आधारभुत स्वास्थ्य सेवा केन्द्र तथा प्रसुती गृहले आसपास रहेको गाउँको जनता अब लाभान्वित हुने भएको छ ।
कार्यक्रममा बोल्दै पालिका अध्यक्ष कुँवरले नागरिकका समस्यानै आफ्ना समस्या भएको बताउदै कुनैपनि नागरिकलाई आधारभूत सेवा(सुबिधा र अधिकारबाट बञ्चित हुन नदिने बताउनु भयो ।
पालिका अध्यक्ष कुँवरले भन्नुभयो पालिकामै पिछडिएको वडाको रुपमा रहेको ३ नम्बर वडालाई बिकास गर्न आफू निरंतर लागी परेको छु । साथै यस क्षेत्रका जनताले समस्या भोग्न नपरोस् भन्दै चाडै एम्बुलेन्स उपलब्ध गराउने बताउनु भयो ।
नव निर्मित प्रसुति भवनको उद्घाटन गर्दै अध्यक्ष कुँवरले बर्थिङ सेन्टरले सुरक्षितरुपमा सुत्केरी गराउन सहयोग पुग्ने बताउनुभयो । अध्यक्ष कुँवरले प्रसुति भवनको सही सदुपयोग गर्दै दिगोरुपमा विकास गर्नुपर्नेमा जोड दिनुभयो ।
।
वडा नम्बर ३ को जटिल समस्याको रुपमा रहेको प्रसुती भवनको उद्घाटनले समस्या समाधान हुने वडा नम्बर ३ का अध्यक्ष मन्ऋषि आचार्यले बताए ।
उद्घाटन कार्यक्रममा गाउँपालिकाका उपाध्यक्ष गणेश राज गिरि, गाउँ सरकारका प्रबक्ता तथा वडा नम्बर १ का अध्यक्ष मिथुन गौतम, वडा नम्बर २ का अध्यक्ष गोबिन्द बि क ,वडा नम्बर ५ का अध्यक्ष भोलेराम चौधरी लगाएत स्थानिय संघ संस्था, वडा सदस्य लगाएत स्थानियको सहभागिता रहेको थियो ।
स्वास्थ्य शाखा प्रमुख कैलाश कुमार रावतले स्वागत मन्तव्य व्यक्त गरेक्ल कार्यक्रमको संचालन रानिकुण्डा आधारभुत स्वास्थ्य केन्द्रका प्रमुख भरत रसाईलिले गरेका थिए ।
