कैलाली । सन नेपाल लाइफ इन्स्योरेन्स कम्पनी लिमिटेड शाखा कार्यालय लम्की द्वारा बीमा जागरण तथा अन्तरक्रिया कार्यक्रम सम्पन्न भएकाे छ ।
सन नेपाल लाइफ इन्स्योरेन्स कम्पनी लिमिटेड उपशाखा कार्यालय बौनियाको आयोजनामा भएको कार्यक्रममा कैलाली जिल्लाको बर्दगोरिया गाउँपालिका वडा नं १ मा रहेको नोवेल माध्यमिक विद्यालयमा कक्षा १२ मा अध्यनरत छात्र/छात्रालाई जीवन बीमा भनेको के हो ? जीवन बीमा किन गर्ने ? जीवन बीमा गर्दा के भइदा हुन्छ ? लगायतका कुराहरु बीमा जागरण तथा अन्तरक्रिया कार्यक्रम जानकारी गराइएको थियो।सन नेपाल लाइफ इन्स्योरेन्स कम्पनी लिमिटेड शाखा कार्यालय लम्कीका प्रमुख डम्बर बहादुर न्यौपानेले भने, ‘रक्सी–जाड, चुरोट खाने पैसाले अब बीमा गर्नुहोस् र आफ्नो परिवार खुशी बनाउनुहोस् ।’ जाँड रक्सी बिँडी–चुरोटमा खर्च गर्ने पैसाले बीमा गरेर खुशी बन्न सकिने उनको भनाइ थियो ।
सन नेपाल लाइफ इन्स्योरेन्स कम्पनी लिमिटेड उपशाखा कार्यालय बौनियाका प्रमूख डम्मर बहादुर बुढाले भने अहिले आवश्यक भन्दापनि अनावश्यक ठाउँमा खर्च गर्ने परिपाटीको विकास भएकाले कसैको देखा सिखि गर्ने प्रविधि देखिएको छ जस्तै जन्मदिन , विवाह, भोज खाने जस्तो क्षेत्रमा अनावश्यक खर्च गर्नुभन्दा पनि जीवनलाई सुरक्षा दिने क्षेत्रमा लगानी गर्न सुझाव दिए । सुदूरपश्चिममा अहिले पनि बालविवाह, छाउपडि कुप्रथा जस्ता सामाजिक कुरिति रहेकाले उल्लेख गर्दै बुढाले यस्ता कुसंस्सकारका विरूद्व डटेर लाग्न विद्यार्थीलाई आग्रह समेत गरेका छन् । जीवन बीमाले स्वयम व्यक्ति र पछिका सन्ततिलाई फाइदा पुग्ने भएकाले जीवन बीमालाई अझै प्रभावकारी बनाउनुपर्नेमा प्रमुख बुढाको जोड थियो । विद्यालयमा ५८ जना विद्यार्थीहरुले बीमा जागरणमा कार्यक्रममा सहभागी रहेका थिए ।
