कैलाली। कैलाली क्षेत्र नम्बर २ का संघीय सांसद अरुण कुमार चौधरी र सहरी विकास मन्त्रालय, स्थानीय पूर्वाधार विभाग सस्पेन्सन बृज डिभिजन श्रीमहल, पुल्चोक, ललितपुरका योजना प्रमुख शम्भु कार्की बीच भेटबार्ता भएको छ । बर्दगोरिया गाउँपालिकामा वडा नम्बर २ र ३ मा बन्दै गरेको झोलुङ्गे पुलको बिषयमा जनताको गुनासो सांसद चौधरी सम्म पुगे पछि उनी महाशाखा पुगेका थिए ।
भेटमा झोलुङ्गे पुलको कामलाई तिव्रता दिने विषयमा छलफल भएको सांसद चौधरीको सचिवालयले जानकारी दिएको छ । सस्पेन्सन बृज डिभिजन योजना प्रमुख शम्भु कार्कीले विकासका कुराहरुमा कमि नगर्ने बताएका छन् । आगामी दसैं सम्म सो क्षेत्रका जनताले झोलुङ्गे पुल बाट हिँड्न पाउने आश्वासन याेजना प्रमुख कार्कीले दिएका छन् ।
वैज्ञानिक मिडिया संग कुरा गर्दै खम्पाचे चन्द्र दोय जेबी झोलुङ्गे पुलका सब इन्जिनियर पुष्प दहालले भने भदौ अन्तिम सम्म जनतालाई झोलुङ्गे पुल माथी हिँड्न पाउने छन् । त्यस क्षेत्रका जनता र जनप्रतिनिधीलाई मात्र चिन्ता छैन् हामीलाई पनि छ। सामान सवै पुगी सकेको छ र कर्मचारीहरुले पनि काम गरी रहेका छन् सब इन्जिनियर पुष्प दहालले भने ।
