कैलाली । सुगम जिल्लाको दुर्गम पालिका कैलालीको मोहन्याल गाउँपालिकाका अध्यक्ष देविदत्त उपाध्याय(हिमशिखर) श्रमदानमा जुटेका छन । उनले सामाजिक संजाल फेसबुक मार्फत श्रमदान गरिरहेको तस्विर सार्वजनिक गर्दै,मोहन्याल गाउँपालिकामा पनि श्रमदान अभियान संचालन गरौ भनेका छन ।
मोहन्याल गाउँपालिका वडा न.४ को शान्तिपुर खानेपानी योजना निर्माणमा श्रमदान गर्न लागेको तस्विर अध्यक्ष हिमशिखरले सार्वजनिक गरेका हुन । सामाजिक संजालको भरपुर सदुपयोग गर्ने हिमशिखरले,म बनाउछु मेरो मोहन्याल अभियानको सबै पालिका बासीहरु मिलेर सुरु गरौं समेत भनेका छन । विभिन्न मिडिया र सामाजिक सञ्जालमा यी तस्वीर निकै भाइरल बनेका छन् । कतिले राम्रो कामको सुरुवात भनेका छन् त कतिले सामजिक सञ्जालमा भाइरल हुन् मात्र नभएर नाराले सार्थकता पावस् भनेर सामजिक सञ्जालमा लेखेका छन्।
